POP 5

Lajmet më të lexuara të 5 minutave të fundit

Sociale

Nga Blloku te Astiri, 5 vatrat e nxehta të COVID në Tiranë/ Bilanci i 15-ditëshit të parë të dhjetorit, 11.809 raste të reja dhe 218 humbje jete

Tirana ka numrin më të lartë të rasteve aktive me COVID-19 në vendin tonë me mbi 12 mijë të tilla ndërsa vatrat më të nxehta të virusit vijojnë të mbeten ish-blloku, Astiri, Fresku, Kodra e Diellit dhe Kamza. Nga data 1-15 dhjetor janë shënuar  mbi 11 mijë raste të reja me COVID-19 dhe kanë humbur jetën 218 qytetarë. 

Që prej fillimit të pandemisë së COVID-19 në muajin mars në vendin tonë, Tirana është qyteti më i prekur nga virusi.  Aktualisht kryeqyteti numëron 12.421 raste aktive me koronavirus nga mbi 23 mijë që janë në total në Shqipëri.  Këto raste pozitive janë të shpërndara në të gjithë Tiranën por vatrat më të nxehta me numrin më të lartë të të infektuarve vazhdojnë të jenë zona e ish-bllokut, Astirit, Fresku, Kodra e Diellit dhe Kamza. Kjo dhe për shkak të densitetit të lartë që ka në këto zona.

Situata në 4 spitalet COVID ka qenë e qëndrueshme në dy javët e fundit, aktualisht janë 403 pacientë të shtruar. Nga data 1 dhjetor deri më 15 dhjetor janë shënuar 11.809 raste të reja me COVID-19. Fatkeqësisht gjatë kësaj periudhe kanë humbur jetën 218 qytetarë të prekur nga virusi. Në total janë shënuar 1040 viktima nga koronavirusi.

Në rrugët e kryeqytetit shihen ende grumbullime qytetarësh çka bie ndesh me vendimet e Komitetit Teknik të Ekspertëve që nuk lejojnë më tepër se 10 persona së bashku.

Edhe në QSUT, në spitalin Onkologjik qytetarët që presin në radhë për të marrë shërbim mjekësor, gjenden mes një grumbullimi, pa distancë çka rrit mundësinë e përhapjes së infeksionit. Derisa dikush tu thërras emrin për tu futur brenda, këta qytetarë duhet të presin. Maskat i kanë të vendosura e disa të tjerë prej frikës përdorin dhe doreza.

Një javë më parë Komiteti Teknik i Ekspertëve paralajmëroi që në bazë të ecurisë epidemiologjike në vend, do të marrë vendime të reja në lidhje më masat-anti COVID.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça