A na duket vetja ‘të gjithë të bërë pis’?, apo këta po na detyrojnë të mitizojmë doktorin që u kap në vjedhje dhe ta ndjejmë veten ‘të gjithë njësoj’?…
Prej ditësh ka plasur kjo luftë, tashmë jo me vjedhjen e njërit, por me në ‘të gjithë’.
Doktori po bënte punën e vet, në fakt, atë që bëjnë shumë vjedhës, por sa hap e mbyll sytë çau flluskën e pisllëkut të shoqërisë. Sa shumë njerëz po dalin në dritë, prej asaj flluske; që aty kërkojnë doktorin, e lavdërojnë, ia veshin krimin, ia lakmojnë zotësinë. Gazetarë, juristë, politikanë, udhëheqës, aktivistë dhe gjynahqarë…, të gjithë po thonë se ‘mirë e bëri doktori, i lumtë’.
Sjellja e doktorit: Sa ka thënë hetimi deri më sot, dhe sa ka marrë vesh bota mbarë, ‘doktor i mirë’ është, por nuk e prekte pacientin nëse i sëmuri nuk i paguante 2 mijë euro, të paktën. Kishte ngritur skuadrën, rrugën e parave, listën e pacientëve; makina i punonte deri në detaje. Skema u zbulua për shkak të një lidhjeje me një skemë tjetër kriminale në Drejtësi. Nesër lidhja mund të shtrihet deri në arat me misër, ose në parcelat e kanabisit, ose në thertoret e qytetit, ose në universitet. Me siguri zgjatimi i parë do të jetë në fushatën e zgjedhjeve politike që priten.
Më duket se të gjithë po bluhemi së bashku në flluskën e veseve. Kush ka shpëtuar nga pisllëku nuk mund të shpëtojë nga ata që e mbrojnë. O do të bëhen të gjithë si vjedhësi, o nuk ka rrugë!. Kjo është çështja.
Pse duhet të bëhemi ‘të gjithë vjedhës’?
Politika e korruptuar mbron veten me çdo mjet. Deri tani një president, një kryetar partie, një deputet, një mjek, një ministër…, na kanë bërë thirrje t’i bashkohemi doktorit. Vetë doktori ka thënë se është pjesë në politikë…
A mund të bëhemi të gjithë vjedhës? Me shpresë të zotit, jo. Po a na projektojnë kështu? Deri më sot na kanë projektuar si ‘gjithë populli ushtar’, ‘të gjithë fajtorë e të gjithë bashkëvuajtës’, ‘të gjithë të barabartë’…. Shpëlarja e turit edhe me rastin e ‘doktorit të mirë’, ka për qëllim që të na bëjnë njësoj. Në një turmë ‘të njësojtë’ mund të fshihen vjedhësit e tre dekadave: vjedhësit e floririt, të piramidave financiare, të tokave, të vilave, të hapësirave… Ja, për këtë na duan të gjithëve ‘bashkë’ me ta.
Vallë, bota tjetër si u mbrojt nga damka ‘të gjithë vjedhës’?
Kjo nisi shpejt, fillimisht me vjedhësit e kuajve. Nuk mund të vinin deri te floriri nëse nuk kishin vjedhur kuaj, ose të paktën lopën e fshatit. Për herë të parë që u mbyllën kufijtë në New England para luftës civile, në vitet 1700 e ca, kufijtë u mbyllën për të ndaluar vjedhësit e kuajve që vinin nga shteti tjetër. Pastaj, për herë të parë që krijuan një parti të pëlqyeshme dhe që jetoi deri në shekujt e vonë, krijuan ‘partinë ndjekëse’ të vjedhësve. Derisa vjedhësit e kuajve u fuqizuan dhe krijuan banda. Por aty edhe ra miti i vjedhësve. Vjedhësit ranë sepse u veçuan prej ‘të gjithëve’, edhe pse të fuqizuar.
Ndërsa këta tanët po na shtyjnë prapa, deri përtej viteve njëmijë e shtatëqind. Duan të na bëjnë ta shikojmë veten ‘të gjithë vjedhës të kuajve’ dhe ata të fshihen sikur janë ‘të gjithë’ Ne pra do të jemi ata.
Komente
Lajme të tjera
-
Report Tv siguron Progres raportin e BE për Shqipërinë: Mbështesim objektivin e qeverisë për mbylljen e negociatave të anëtarësimit deri në 2027! Përparim në luftën kundër korrupsionit
30 Tetor, 12:30 -
Kryepolici Proda takon kreun e SPAK, Dumani: Bashkëpunimi ynë në stad tjetër, rrisim besueshmërisë mes palëve! Luftë krimit të organizuar dhe korrupsionit
22 Tetor, 10:35 -
Raporti i SELDI-t: Shqipëria ka normat më të larta të ryshfetit në Ballkanin Perëndimor
3 Tetor, 22:05 -
'Goditëm të paprekshmit' Dumani: U sekuestruan 150 mln euro pasuri e krimit! Pavarësia e SPAK kusht themelor, të mbrohet nga ndërhyrjet a presionet e padrejta që minojnë integritetin
3 Tetor, 11:29 -
GJKKO i kthen SPAK-ut dosjen ndaj mjekut Edvin Prifti për plotësim hetimesh
17 Shtator, 16:30 -
U denoncua me filmim se mori 1 mijë euro ryshfet, SPAK vë nën arrest Oficeren Gjyqësore të Elbasanit! Do pushonte çështjen e një të akuzuari për ndërtim pa leje
17 Shtator, 10:55 -
SHBA mbështet SPAK: Punë të shkëlqyer! Përfaqësuesja e DASH në Tiranë: Mbani korrupsionin nën kontroll të anëtarësoheni në BE
16 Shtator, 12:22
-
Tabaku ngre shqetësimin: Zhvlerësimi i Euros, pasojë e pastrimit të parave dhe korrupsionit, prodhuesit shqiptarë dhe fermerët po penalizohen!
27 Gusht, 10:38 -
Preç Zogaj: Korrupsioni kapilar është në natyrën e qeverisjes propagandistike
8 Korrik, 22:57
-
Raport: Lufta kundër korrupsionit në Ballkan sheh progres, por edhe regres
20 Qershor, 22:55 -
Zaloshnja: Radiografia e korrupsionit në Barometrin e Sigurisë
7 Qershor, 08:50
-
Edhe ‘të vegjlit’ bojkot komisionit anti-korrupsion! 6 deputetë kundër 'rrymës'
31 Maj, 13:55
sakte z.Frrok Cupi... ne nuk jemi si ata. Bejme punen e shtetit me ndershmeri dhe kurrsesi "te jemi te gjithe bashke" Hajdutet dihet ku e kane vendin!
PërgjigjuSakte!Vetem se kjo NE eshte nje pakice e jashtezakonshme ne shqiperi biles e PAPERFILLSHME ne numer!
PërgjigjuZgjedhjet e 25 prillit kane per t'a nxjerre cullak banden e tri dekadave te fundit ""rreth krim-kuserimit dhe antishqiptarizmit,te perbashkuar". Popullit Shqiptar i ka ardh ne dore ora e gjykimit pa meshire te kesaj bande,antisgqiptare te perbetusr. Perpjekjet e saj mediatike per te perfshire shumicen ne corben e pas-nentedhjetes,ne corben qe shkelyu dhe pervloi shtetin e shqiptarve,mund te mashtrojne dhe intimidojne vetem njerzit e limituar nga trute e kokes. Reforma ne Drejtesi ka nisur te jape frytet e para.Ne Shqiperine tone ka nisur katarsisi i madh,qe do e shpetoje shoqerine nga orteku i krimineleve te perbashkuar,te cileve po u kruhet njeherazi qerja e zullumit.
Përgjigju