Për herë të katërt si prezantuese, Festivali “Marie Kraja” e riktheu sopranon Enkeleda Kamani javën që lamë pas në atë që ajo quan si ‘teatrin e zemrës’, në Opera ku edhe e nisi karrierën.
“Ndihem me të vërtetë shumë e emocionuar që jam këtu”, shprehet sopranoja Enkeleda Kamani.
Media italiane e konsideroi si “yll në ngjitje”, që në performancat e para të këngëtares, kur ende nuk kishte përfunduar Akademinë e “La Scala-s” (pjesë e saj prej 2017-ës). Mandej, vit pas viti skenat e mëdha, do të bëheshin të prekshme për të...
“Mbarova Akademinë e La Scala-s pak vite më parë, nëpërmjet agjencisë sime vazhdoj karrierën me produksione të ndryshme në të gjithë botën”, shton më tej.
Rrëfen se është në menaxhimin e të njëjtës agjenci me Placido Domingon.
“Menaxher është Alessandro Ariosi, dhe e vërtetë, Placido Domingo është pjesë e menaxhimit të tij. Është shumë e rëndësishme sot që të kesh një agjent në mënyrë që të lidhë kontratat, sepse duhen dhe kontaktet e duhura në këtë rast . Kështu që, mund të them se është e thjeshtë dhe shumë e vështirë njëkohësisht që ti të jesh në nivelet e teatrove të rëndësishëm”, shprehet këngëtarja.
Përpos performancave në Teatrin “La Scala”, ka performuar në Royal Opera House në Mbretërinë e Bashkuar, në “Opera National de Lorrain” në Francë. Rrëfen se cila skenë i ka dhënë emocionet më të mëdha...
“Çdo produksioni që unë bëj i jap një rëndësi shumë të madhe dhe marr prej tijemocione shumë të bukura. Çdo produksion ka veçantitë e tij emocionale. Sigurisht produksioni që më ka lënë më shumë shenjë është në ‘La Scala’ është “Rigoletto”, me me të madhin Leo Nuçi. Pak muaj më përpara kam performuar ‘Traviattën’ në Francë dhe për nga emocionet që të jep ajo Opera për nga mundësia që të përshfaqesh në 360 gradë si artiste është me të vërtetë diçka që shënjon si artiste.
Inva Mula dhe Ermonela Jaho, janë dy nga rastet që kanë konfirmuar se talentet e mëdha dalin edhe nga vende të vogla. Kamani ka punuar me to, e ka ndarë skenën me të tjerë shqiptarë të suksesshëm si Saimir Pirgu e Gëzim Myshketa.
“Jam shumë krenare për artistët shqiptarë që korrin sukses nëpër botë, kjo është shenjë sesa të talentuar dhe me sa seriozitet e marrim ne çdo punë . Unë dua të arrij tek më e mira e vetes sime .Përpiqem të bëj maksimumin dhe jam në konkurrencë për të përmirësuar gjithmonë veten time.
Pas largimit nga Shqipëria sopranoja do të udhëtojë për në Kinë, ku do të performojë në “Ballon me maska”. Por, a do ta kemi Kamanin, pjesë të produksioneve vendase?
“Për momentin nuk ka asgjë konkrete, por nëse në Teatër do më ftonin do vija”, thotë artistja.
Lajme të tjera
-
Pse përurimi i të bukurit TKOB nuk u bë dot gëzim i të gjithëve?
20 Shtator 2021, 16:46
-
Placido Domingo në Bullgari koncert në shesh, në Tiranë te TKOB, Nishani: Rama përdhosi klasin më të lartë të artit botëror për imazhin e disa karrigeve që ka bërë në një sallë
17 Shtator 2021, 11:35 -
Meta vlerëson tenorin me famë botërore Plácido Domingo Embil me Titullin “Kalorës i Urdhrit të Skënderbeut”
16 Shtator 2021, 14:12 -
Mbrëmja gala në Tiranë/ Ermonela Jaho dhe Placido Domingo ndezin sallën në Teatrin e ri modern të Operas dhe Baletit! Artistja shqiptare: Njësoj si skenat e mëdha botërore
15 Shtator 2021, 20:15 -
Nesër mbëmja gala në TKOB, Margariti publikon fotot: Lulet e bardha si homazh për artistët dhe njerëzit që humbën gjatë pandemisë
14 Shtator 2021, 22:35 -
Më 15 shtator mbrëmja gala në Teatrin e Operas, Ermonela Jaho: Jam shumë e lumtur! Placido Domingo: Gëzim i madh për mua të jem në Tiranë, ju pres
13 Shtator 2021, 08:36 -
Salla e re moderne e Teatrit të Operas dhe Baletit në Tiranë inaugurohet me kolosët botërorë Placido Domingo dhe Ermonela Jaho! Rama poston videon: Po pres me padurim
12 Shtator 2021, 08:38 -
Tenori i njohur Placido Domingo: Jam pozitiv me COVID-19
22 Mars 2020, 19:11
-
Plàcido Domingo kërkon falje dhe pranon se ka abuzuar seksualisht në Uashington dhe Los Angeles
25 Shkurt 2020, 12:48
