Duke nisur nga dita e sotme, të gjithë shqiptarët që shkojnë në Kosovë do të kalojnë kufirin lirisht, duke mos hasur asnjë pengesë. Qeveria e re e Kosovës, nën drejtimin e kryeministrit Avdullah Hoti mori vendimin që asnjë udhëtar nuk do t'i nënshtrohet vetëkarantinimit, madje nuk do t'u kërkohet as testi, kushte të vendosura nga qeveria "Kurti".
Ministri i Shëndetësisë së Kosovës, Armend Zemaj, tha se qytetarët e Shqipërisë që hyjnë në Kosovë vetëm do t'i nënshtrohen kontrolleve të detajuara mjekësore. Ndërsa sot teksa inspektoi punën në këtë pikën kufitare të Morinës, ai shpërndau maska për të gjithë udhëtarët që hyjnë në Kosovë.
Më 1 qershor Kosova hapi kufirin me Shqipërinë, por me dy kushte, testin e COVID- it dhe vetë izolimin prej 7 ditësh, çka solli reagimin e qytetarëve të Shqipërisë të cilët gjatë javës që lamë pas priten në orë të tera në kufi për të hyrë në Kosovë. Ato kishin vendosur edhe një takse prej 22 euro për kamionët, por që u hoq për shkak të kundërshtimeve të shumta nga ana e kompanive. Mirëpo, nga e hëna, kjo bllokadë do të marrë fund për të gjithë shqiptarët.
Ndërkohë në një mesazh drejtuar të gjithë udhëtarëve, ministri Zemaj kërkoi respektimin e masave të vendosura nga autoritetet e Kosovës.
"Do t'i kisha lutur të gjitha atyre që hyjnë në Kosovë dhe juve të përçoni mesazhin për respektimin e masave të vendosura nga qeveria e Kosovës", u shpreh Zemaj.
Ministri i Shëndetësisë së Kosovës, Armend Zemaj ishte sot në pikën kufitare të Morinës, për të inspektuar nga afër punën pas heqjes së karantinës. Ajo që ra në sy ishte veprimi i ministrit, i cili shpërndau maska falas për të gjithë udhëtarët që hynin në Kosovë dhe nuk e kishin një të tillë. Ky veprim është edhe një sensibilizim për të gjithë qytetarët, të cilët me heqjen e masave kufizuese duhet të jenë të ndërgjegjësuar për t'u ruajtur nga përhapja e koronavirusit.
Pasi Kosova hoqi masat për udhëtarët, ditën e sotme pika kufitare e Morinës i është rikthyer normalitetit. Pala kosovare dhe ajo shqiptare operojnë vetëm me kontrollin e dokumenteve të identifikimit. Fluksi i lartë i qytetarëve ka bërë që të krijohen radhë të gjata që në orët e para të mëngjesit. Në pikën kufitare ishte i pranishëm edhe ministri i Shëndetësisë së Kosovës, Armend Zemaj, i shoqëruar nga drejtori i IKSHPK-së, Naser Ramadani, kryeinspektorja shëndetësore, Nora Krasniqi dhe kryeinspektori i Agjencisë së Ushqimit dhe Veterinës së Kosovës, Ibrahim Tërshnajku.
Lajme të tjera
-
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32
