Tirana pritet që të jetë në 2023 një kantier i madh ndërtimi. Në një intervistë të dhënë në TVSH, Kryetari i Bashkisë së Tiranës Erion Veliaj u shpreh se ende vizioni i tij për Tiranën nuk ka mbaruar dhe se përpara janë shumë projekte të rëndësishme për t’u realizuar. Veliaj renditi listën e gjatë të invetimeve që pritet të finalizohen apo të nisin vitin e ardhshëm.
“Unë besoj që vizioni ynë për Tiranë është ende i pambaruar. Unë besoj që Tirana nuk mund të jetë i vetmi qytet që s’ka një kopsht botanik, ku kopshti botanik është vetëm një mënyrë që roja bën ca lekë me fotot e nuseve. Më duket patetike që ne kemi debat me shkencat e Natyrës në Gjykatë, kur ajo që ne provuam tek kopshti zologjik është që ka vend edhe për shkencë dhe për herë të parë veterinarëve të UBT, të rinj u jepet rasti që edhe me kafshë ekzotike të kenë të bëjnë dhe të specializohen dhe kjo do të ndodhë edhe me kopshtin Botanik. Ne nuk mund të jemi i vetmi qytet që vazhdojmë me gjyqe pa fund, fatmirësisht i fituam të gjitha, për terminalet e Tiranës që është gjëja më logjike. Ti hyn në një qytet, ti nuk vjen tek “7 Xhuxhat” si në vakt, hajde se u mbush për në Prenjas e Librazhd. Ka një stacion ku ti shkon si njeri, sheh orarin. Kemi mbaruar atë tek TEG, kthesa e Lundrës, do e e hapim këtë vit Lindorin dhe do fillojmë pasi fituam gjithë gjyqet, një marrëzi, e do vijojmë gjithashtu me Perëndimorin që është tek kthesa e Kamzës”, tha ai.
Duke u ndalur tek transporti, Veliaj dha lajmin e mirë të rikthimit të trenit.
“Tirana është një qytet ku akoma s’është rikthyer treni. Stacioni ynë edhe tek kthesa e Kamzës do të jetë një stacion interurban ku edhe autobusët edhe treni do të shkëmbehen dhe pastaj do të vijë vetëm një stacion qytetas, pra o mallrash, por vetëm në mënyrë elektrike tek treni ku ka qenë, por nga ana tjetër e bulevardit të ri”, nënvizoi ai.
Kryebashkiaku Erion Veliaj tha se po punohet me rimte të larta dhe për finalizimin e punës me dy lagjet e reja në qytet si ajo tek “5 Maji” dhe në Kombinat.
“Ne duam të mbarojmë dy lagjet “5 Maji” dhe Kombinatin. Dy strategji të ndryshme politike. Një parti që mbulonte zonën e Kombinatit, strategjinë e kishte të na pengonte me gjyqe. Partia tjetër edhe prej faktit që është pak më energjike e kishte me protesta bllokimin por ishin të dy nyje gordiane që duheshin zgjidhur, duheshin fituar edhe gjyqet, duheshin bindur edhe ata që bllokonin projektin tek 5 Maji. Tashmë janë çliruar të dy projektet nga ky lloj bllokimi dhe po ecim me lagjet, madje tek 5 Maji janë futur në pallatet e para banorët e parë, por duhet që në mandatin e tretë ta mbyllim përfundimisht këtë historinë e tërmetit”, tha Veliaj.
Ndërkaq, Tiranës pritet që vitin e ardhshëmt’i shtohen dhe buqeta me shkollat e reja të cilat do të ofrojnë kushte të mira arsimore.
“Kemi buqetën e fundit të shkollave. Jam krenar për faktin që kemi bërë 43 shkolla në Tiranë. Si shkolla Kosova mund të na ketë pëlqyer ne që kemi qenë atje por çdo e re po bëhet më e mirë, në çdo projekt mësojmë më shumë. Duhet të mbarojë edh një paketë e fundit që na ngelur që janë 5 shkolla tek Astiri, tek gjithë zona e Unazës së Re, se pa mbaruar rrugën nuk bënim dot shkollë. Ajo është kthyer në një lagje të stërmadhe të Tiranës. Kemi edhe dy shkolla të tjera, një shkollë Dritëro Agolli që do jetë tek Parku Olimpik dhe në anën tjetër tek kopshti Botanik ose në kufi të kopshtit Botanik një tjetër gjimnaz aty sepse edhe ajo zonë e liqenit të Thatë është rritur jashtë mase”, tha Veliaj.
Pas 8 godinave të Kampusit Universitar Bujqësor, Bashkia e Tiranës do të nisë punën dhe me projektin e ri për transformimin e “Qytetit Studenti”.
“Ne kemi mbaruar Universitetin Bujqësor, kampusin atje, 8 godina të jashtëzakonshme. Mbaruam godinat tek Inxhinieria, mbaruam godinat tek Mjekësia. Unë jo vetëm që e përbuz këtë ndasinë të ardhur dhe vendalinj, por përkundrazi inkurajoj sa më shpejt integrimin. Investimet që ne kemi bërë në Qytetin Studenti e bëjnë integrimin më të shpejtë. Mbaruam me Mjekësinë, Inxinierinë, Bujqësorin. Tani duam të bëjmë Qytetin Studenti dhe po detajojmë projektin te “Qyteti Studenti” i rrugës së Elbasanit. Është vërtet një super projekt gjigand”, tha Veliaj, teksa shtoi se vitin e ardhshëm do të hapet dhe Piramida.
Komente
Lajme të tjera
-
Zbardhet vrasja e Eduart Reçit! Hetimet: Polici i komisariatit nr 2 në Tiranë ekzekutoi ndërtuesin, arrestohet dhe i vëllai! Motivi? Konflikte pronësie
24 Nëntor, 15:07
-
'Ata ishin 2 autorë!' Policia do të rimarrë në pyetje babain e shokut të Martinit: Djali tjetër ka pasur thikë më të vogël
24 Nëntor, 12:44 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55 -
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43
NDERTO NE PERIFERI, SE DUHET PASI KA SHUME GERMADHA DHE PISLLEK, RRUGET MUNDESISH BEJI TE GJERA PER NJEREZ DHE MAKINA, PO NE QENDER TE TIRANES KUR KE PER TA NDARE BETONIN, ZHURMEN DHE BALTEN, SE EDHE ATE PAK AJER QE KA NGEL NE QENDER E KEMI TE PLUHUROSUR.
Përgjigju