Sa herë rrugë të reja çajnë shtigje të shkelura nga këmbë shqiptarësh në shekuj, bashkë me aromën e dheut që gërryhet, të shkëmbit që thyhet, të asfaltit që do të gjarpërojë si shigjetë mes honesh, humnerash, kanionesh, kodrash e malesh, ngrihet në ajër dhe ajo masë ëndrre e përbërë nga dëshira dhe përshpirtje hapsire dhe kohe, e depozituar në grimca të shkëlqyera të një materie të paidentifikuar mbi fije bari, gurë mineralesh e resh puplore. Rrugët në Salari, në Kuç, Nivicë, Gusmar, Bëncë etj, ato në Theth, në Kolonjë, në Përmet, Dardhë, Tamarë, Valbonë, Gramsh, Ishëm, Konispol janë kapilarë të vegjël, të ngushtë, të zinj, të ngadaltë, por të sigurtë, që do të na çojnë të admirojmë bukurinë e madhe që Shqipëria e shqiptarët kanë nga jashtë, për të kuptuar ndoshta edhe pse vonë, se nga e njëjta bukuri jemi gatuar dhe thellë brenda nesh. Këtë bukuri, vëllezërit Frashëri, Migjeni më pas, Fishta, Konica, Poradeci, Kuteli, Agolli, Kadare, të gjithë shpirtërat më elegantë që kjo tokë ka pasur dhe ende ka, dihet, e kanë prezantuar përherë, por, ne kemi vazhduar të bëjmë sikur nuk dëgjojmë, sikur nuk shohim, nuk reflektojmë. Nuk kemi mbyllur veshët dhe sytë ndaj zhurmëmëdhenjve që nuk na lenë kastile të përqendrohemi e të mrekullohemi nga materia që na përbën: Jemi një vend magjik dhe jemi njerëz me një bukuri që ende duhet zbuluar brenda nesh: Shqipëria do të ndihmojë shqiptarët të zbulojnë vetveten si krijesa të rralla në këtë cep të Ballkanit perëndimor.
Sa herë bëjmë një rrugë të re e gjarpërushe nëpër vende të paprekura më parë në Shqipëri, duhet ta konsiderojmë si hyrjen në një katedrale, ku lutjet, dëshirat, përshpirtjet, realizohen nga pemët që askush më parë nuk mund t’i shihte, nga ketrushët që kishin mbetur pa admirues, nga lumenj, livadhe, liqenë që nuk kishin patur kurrë mundësinë të zbusnin njerëz të egërsuar nga smogu, metrat katrorë, rivaliteti e agresiviteti i dendësisë njerëzore nëpër qytete.
Lajme të tjera
-
300 familje në Kuç të Dimalit jetojnë mes plehrave! Banorët: Kemi 8 vite jemi kthyer në ‘kosh mbetjesh’
7 Maj 2023, 17:00
-
Goro i PS-së me banorët e Kuçit: Më votoni dhe do i qëndroj çdo premtimi që kam dhënë
25 Prill 2023, 12:20 -
Report Tv shkon në Kuç të Shkodrës, banori: Qeveria të vërë dorën në zemër e të na shikojnë, dëmet në bujqësi të papërshkrueshme
23 Nëntor 2022, 11:46 -
Bizneset e burimeve ujore që po shkretojnë Shqipërinë, skandali i fundit në Kuç
18 Nëntor 2022, 14:51
-
Rama publikon videon: Së shpejti rruga që lidh Tepelenën me Himarën, ofertë e re për turistët
9 Nëntor 2020, 09:10
