Nga Vjena e Berlin në Tiranë, historiku i samiteve ndër vite

Samiti i Bashkimit Europian dhe Ballkanit Perëndimor i cili do të mbahet për herë të parë në Tiranë do të jetë i radhës pas 13 konferencash takimesh e samitesh të mbajtura çdo vit që prej 2013-tës, KU në Vjenë u mbajt konferenca e Frontex-it për Ballkanin Perëndimor rreth krizës së refugjatëve.

Takimi i radhës u mbajt një vit më pas sërish në Vjenë, më 3 qershor 2014, mes ministrave të jashtëm, 6 prej të cilëve kërkuan që Shipërisë t’i jepej statusi i vendit kandidat, status të cilin vendi ynë e mori vetëm disa javë më vonë, më 24 qershor të 2014-tës. Konferenca e radhës u mbajt më 28 gusht 2014 në Berlin, ku mikpritëse ishte Gjermania. Ky takim konsiderohet si e para konferencë e BE-së dhe Ballkanit Perëndimor në kuptimin e ngushtë.  Austria u bë sërish shteti mikpritës për konferencën e radhës në 2015-tën, mes kryeministrash, ministrat e Jashtëm dhe të Ekonomisë. Një vit më vonë në shkurt të 2016-tës, u zhvillua një tjetër konferencë në Vjenë ku në fokus ishte menaxhimi i krizës së refugjatëve.

Në 4 korrik të 2016-tës, përfaqësues të vendeve të Ballkanit Perëndimor së bashku me përfaqësues nga Gjermania, Italia, Kroacia, Austria dhe Sllovenia u mblodhën në Paris, për ndërlidhjen e rajonit me burimet evropiane të energjisë. Në korrik 2017, në Trieste të Italisë u mbajt Konferenca e radhës për Ballkanit Perëndimor mbi rrjetëzimin e fushave të infrastrukturës, transportit dhe energjisë. Në Bullgari, më 17 maj 2018 u zhvillua një takim i krerëve të shteteve dhe qeverive të vendeve anëtare të BE-së dhe liderëve të vendeve të Ballkanit Perëndimor, ku u diskutua për rritjen e angazhimit të BE-së me vendet e rajonit. Në datën 10 korrik 2018 u mbajt e ashtuquajtura Konferenca e 5-të e Ballkanit Perëndimor në Londër  mbi strategjisë së BE-së për Ballkanin Perëndimor.

Më 29 prill 2019, Angela Merkel dhe Emmanuel Macron në një minisamit ftuan në Berlin krerët e shteteve dhe qeverive nga Bosnjë-Hercegovina, Kroacia, Kosova, Mali i Zi, Serbia dhe Sllovenia për zgjidhjen e konfliktit ndërmjet Serbisë dhe Kosovës. Konferenca e radhës u mbajt më Poloni në 4 korrik ku fokusi kryesor ishte në Procesin e Berlinit. Në korrik të 2020-s, Konferenca e 7-të e Ballkanit Perëndimor e mbajtur së bashku nga Bullgaria dhe Maqedonia e Veriut, e cila për shkak të pandemisë COVID-19, u zhvillua në një videokonferencë më 6 mars të 2021-shit. Në Tetor të 2021, Samiti i fundit midis liderëve të BE-së dhe Ballkanit Perëndimor ishte  në Brdo pri Kranju në tetor 2021. Ai u organizua nga presidenca sllovene e këshillit.

B.K./M.Q./Shqiptarja.com

TAG:
• Tirane
• Samiti i BE ne Tirane