Një person i armatosur ekzekutoi me breshëri plumbash, në sy të dy fëmijëve të vegjël, bashkëshortët Xhevahir dhe Skënderie Çela si dhe vajzën e tyre të mitur Roza,13-vjeçe. Një ngjarje e rëndë, e cila u pasqyrua edhe në median e shkruar dhe atë vizive. Vrasësi, Ismail Cela, i dënuar me burgim të përjetshëm në mungesë, nga gjykata e Pogradecit në vitin 1998 jeton ende në arrati që prej vitit kur kreu krimin. Nga studio e emisionit 'Pa Gjurmë' Vera Gorica, vajza e madhe e familjes merr guximin të rrëfejë mbi vrasjen e trefishtë, por jo vetëm, prej 24 vitesh kërkon drejtësinë e munguar, për hir të nënës, babait dhe motrës së vrarë.
Më ka shkaktuar dhembje shumë te madhe humbja e prindërve dhe motrës. Prindërit po punonin në arë, ndërsa motra e vogël shkoi në shtëpi për të marrë drekën. Kur u kthye dhe pa disa persona me armë në dorë, në atë moment ata shtinë mbi prindërit dhe motrën duke i lënë të vdekur. 4 fëmijët e tjerë të vegjël ishin me prindërit, ndërsa dy të vegjëlit motra 5 vjeç dhe vëllai 7 vjeç e panë gjithë ngjarjen. Ata shtinë edhe mbi fëmijët, por fatmirësisht plumbi kapi vetëm lopët. Kur vëllai shkoi në vendngjarje nuk i gjeti trupat. Ai ishte me nusen e xhaxhait. As sot nuk e kam pyetur sesi arriti e para. Kur motra pa babain, të shtrirë në tokë, rënkoi dhe më pas ndërroi jetë.
Bashkëshortët që u vranë në tokat e tyre ishin prindër të 8 fëmijëve, ku fatkeqësisht 7 prej tyre mbetën jetim dhe rritën njëri-tjetrin. Ata nuk e harrojnë momentin, kur gjetën të shtrirë në tokë, trupat e pajetë të prindërve dhe motrës së tyre Roza. Autori u pa nga banorët dhe u mësua se ishte fqinji i tyre, ku pas një konflikti banal me djalin e çiftit të ndjerë, kishte vendosur të merrte hak dy javë më pas, duke kryer krimin makabër.
Një vajzë nga fshati, e cila ishte 15 vjeçe e kishte parë ngjarjen. Kur e pyet motra, tregoi emrin e autorit Ismail Çela, por kur dëshmitarja u pyet nga policia nuk trego më asgjë. Vrasësi nuk ishte vetëm, pas tij fshihen edhe disa bashkëpunëtore të tjerë. Dy javë para se të ndodhte krimi, vrasësi vodhi zahiretë në shtëpinë tonë. Vëllai adoleshent takohet me Ismailin, duke i kërkuar llogari. Ai e godet me sëpatë në kurriz. Babai ballafaqohet me këtë person, i cili ishte bashkëfshatari ynë, ndërsa ai kërkoi falje. Ne menduam se u pajtuam, por u gabuam. Me 13 maj 1997 ai shkoi në arën ku punonin prindërit dhe i vret në fshehtësi.
Autori nuk i la tre viktimat të prehen të qetë pasi, pa mbushur ende 40 ditë nga vdekja e tyre, breshëri automatiku u zbrasën në ajër, shumë pranë banesës së familjes Çela. Një dramë që nuk përfundoi me kaq, pasi autori i vrasjes së trefishtë kërkonte sërisht gjak. Sipas rrëfimit të Vera Goricës, dy vite pas ngjarjes së rëndë që tronditi Velçanin, në shtator 1999 plagoset një tjetër pjesëtare e familjes.
Vrasësi nuk u kap asnjëherë. Na shtinin çdo natë te shtëpia me granata dhe armë. Nuk flinim kurrë të qetë. Unë kam qenë 4 muajshe shtatzanë, kur dëgjonim fjalë kudo se do na vriste i njëjti person. Një natë dëgjuam të shtëna, unë dola jashtë, dhe u hodha nga ballkoni. Pamë katër veta, por nuk i njohëm. Edhe kur kishim 40-at e prindërve kanë shtënë natën me armë. Prindërit nuk kishin patur kurrë konflikte me askënd tjetër. Në shtator të vitit 1999, në Rembec të Korcës, ndodh një tjetër tentative tinzare. Kur të gjithë po flinin gjumë. Dikush thërret natën emrin e motrës 15 vjeçare dhe kur ajo del jashtë për të parë kush ishte, ata e qëllojnë me armë duke e lënë të plagosur në veshkë. Pas hetimeve policia e mbylli këtë çeshtje duke e konsideruar si një tentativë për vetëvrasje. Asnjëherë nuk u hap një gjyq. Ata thërritën vetëm të vegjëlit për të hedhur firmën. Për ngjarjen e parë të rëndë ka një të dënuar me burgim të përjetshëm, Ismail Çela që është ende i lirë, ndërsa për personin që plagosi motrën dy vite më pas nuk ka ende një autor të dyshuar.
Pas këtyre ngjarjeve të rënda, të njëpasnjëshme që ndodhën në familjen Çela, e cila jetonte ende nën presionin e kërcënimeve dhe të shtënave me armë, 7 jetimët ia mbathën nga Shqipëria dhe kërkuan strehë në Europë. Vitet kaluan por dhembja në shpirtin e tyre nuk është shuar kurrë.
Komente
Lajme të tjera
-
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15 -
I dha fund jetës duke u hedhur nga furgoni në Peqin, historia e trishtë e Merushe Gjuzit! Përpjekjet për gjetjen e së bijës në ‘Pa Gjurmë’ dhe sherri me bashkëshortin
21 Tetor 2023, 13:31
Do te ishte mire, qe te ekspozonit nje foto te qarte te vrasesit.Besoj, qe ata qe ju terrorizonin me arme, mund te kene qene te aferm e shoke te vrasesit.Duhet te gjeni nje menyre qe te lidheni me Interpolin per problemin tuaj.
Përgjigju