Drejtori i Drejtorisë Vendore të Policisë Vlorë, Edvin Ndreu, tha se për ngjarjen e ndodhur ditën e sotme në resortin ‘Regina Palm’ të biznesmenit Vasil Bedinaj, janë arrestuar 5 persona dhe janë shpëllur në kërkim 6 të tjerë.

Të arrestuar janë 55-vjeçari Luan Muça, banues në Tiranë, 29-vjeçari Klaudio Lleshaj, banues në Tiranë, 33-vjeçari Mandrit Lleshaj, banues në Tiranë, 40-vjeçari Blerim Heta, shtetas nga Kosova dhe 29-vjeçari Angjelo Breshani, banues në Vlorë.

Ndreu njoftoi po ashtu se ndaj personave të arrestuar materialet do i referohen Prokurorisë për veprat penale ‘vrasje në tentativë’, ‘shtrëngim me anë të kanosjes për dhënie pasurie’ dhe ‘armëmbajtje pa leje’.

“Si përfundim u bë arrestimi në flagrancë i shtetasve Luan Muça, 55-vjeç, banues në Tiranë. Klaudiu Lleshaj, 29-vjeç, banues në Tiranë, Mandrit Lleshaj, 33-vjeç, banues në Tiranë, Blerim Heta, 40-vjeç nga Kosova, Angjelo Breshani, 29-vjeç, banues në Vlorë. Gjithashtu janë shpallur në kërkim 6 shtetas dhe 4 automjete të tjera të dyshuara të përfshira në këtë ngjarje.

Materialet do i referohen Prokurorisë për veprat penale ‘vrasje në tentativë’, ‘shtrëngim me anë të kanosjes për dhënie pasurie’ dhe ‘armëmbajtje pa leje’.

Momentalisht çështja është nën hetim. Nuk janë përdorur armë brenda resortit. Anxhelo Breshani ka qëlluar me armë zjarri drejt personave të tjerë, me një pistoletë që e dispononte Vasil Bedinaj.

Qyteti i Vlorës ka sigurinë maksimale përsa i përket sezonit turistik. Personat vijnë nga rrethe të tjera. Ne po punojmë maksimalisht për të parandaluar ngjarje të tilla. Po verifikojmë një motiv pronësie, që është në verifikim e sipër. Ngjarja ka ndodhur rreth orës 11:42 minuta. Rreth 18 minutave pasi është dhënë informacioni paraprak, janë ndaluar shtetasit”, tha mes të tjerash drejtori i Drejtorisë Vendore të Policisë Vlorë, Drejtues Edvin Ndreu.

-------------------------------
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë


Lajmi kryesor:

Vlorë/ Luan Muça i ‘Deltës’ gjobë 5 mln € Bedinajt të ‘Regina’: Mi jep, ose zhduku për 48 orë! I mësyn në hotel me grup të armatosur, vihet në pranga bashkë me 4 të tjerë! Digjet një ‘Audi A8’ (VIDEO)