POP 5

Lajmet më të lexuara të 5 minutave të fundit

Politikë

Ngjela: Rama kontrollon vetëm 
policinë ndaj e sulmojnë Tahirin

Avokati Spartak Ngjela është shprehur ditën e sotme në emsionin ‘’45 minuta ‘’të Denis Mingës në Report Tv se kryeministri Rama kontrollon vetëm policinë e shtetit pasi të gjitha institucionet e tjera i ka nën kontroll ish lideri i PD-së Sali Berisha. Ai theksoi se për këtë arsye sulmohet ministri i brendshëm Tahiri.  VIDEO
Ngjela: Rama kontrollon vetëm <br />policinë ndaj e sulmojnë Tahirin
Avokati Spartak Ngjela është shprehur ditën e sotme në emsionin ‘’45 minuta ‘’të Denis Mingës në Report Tv se kryeministri Rama kontrollon vetëm policinë e shtetit pasi të gjitha institucionet e tjera i ka nën kontroll ish-lideri i PD-së Sali Berisha.

Ai theksoi se për këtë arsye sulmohet ministri i brendshëm Tahiri.
 
Ndërsa për procesin e Reformën në Drejtësi avokati ka nënvizuar se nga vetting-u cënohet edhe kreu i shtetit, Bujar Nishani.

Gjithashtu Ngjela ka folur edhe për debatin e fundit brenda PD-së, ku sipas tij deputetja Majlinda Bregu ka folur në kohën e duhur duke i treguar Berishës se ajo është më e aftë se lideri i opozitës, Lulzim Basha. 

Avokat Ngjela , ju flisni për rigjallërimin të botës shqiptare në Ballkan që ka konciduar me reformën reformë amerikano-shqiptare në Tiranë. Kjo lëvizje e madhe ka nisur sipas jush në 1981 me levizjen në Prishtinë, vazhdon me luftën e Kosovën në 1999 dhe do përfudojë më të drejtat e Çamërisë? Çfarë nënkuptoni me këtë?
Reforma nuk është koncept mesjetar është koncept interesi. Politika anglo-sanksone është politikë interesi. Erdhi një moment i caktuar ku interesi shqiptar përputhet me atë amerikan. Në funksion të kësaj, po të shkojmë pas në histori. I vetmi shtet perëndimor që përkrahu dhe nuk goditi revoltat për republikë të kosovarëve që në vitin 1981, janë amerikanët. Po ta shikosh në këtë rrjedhë padrejtësitë shqiptare duhet të vendosen. Ismail Kadare e ka thënë i pari dhe saktë. Gjuha shqipe ka qenë e mallkuar dhe historia jonë është goditur. Koha moderne nuk flet për kufinj por për të drejta. Të drejtat kosovarët i morën. Shqipëria ka humbur territore të mëdha. Kjo histori e fshehur dhe e përbuzuar, e mashtruar nga interesa të caktuar të fqinjëve tanë po mbaron. Aspekti i fundit i mbrojtjes amerikane është reforma në drejtësi. Pa një reformë nuk mund të mbrohen të drejtat.Shqiptarët kanë 25 vitë që nuk kanë të drejtat në Shqipëri. 

Çfarë kuptoni me të drejtat e Çamërisë?
Një herë për një herë janë pronat dhe të njihet tregjedia e tyre, pra të njihet genocide grek ndaj tyre . Unë mendoj se do të hyjë në sistemin e mbrojtes amerikane. Të drejtat nisin më shumë gjëra. Ka shumë çamë në Greqi, por nuk lejohet të flasin shqip.Ne po nuk flasim për kufinj por për të drejta. 

Ne bëmë aleancë me SHBA që në 1991 por pse erdhëm në këtë situatë 25 vite më vonë? 
Aleanca më Amerikën është vendosur në vitin 91 ndërsa reforma erdhi në 2016-ën. Ka një moment të caktuar por ndonjëhëre politika nuk është strategjike. Koha është shumë e rëndësishme po nuk erdhi koha asgjë nuk ndodh. Politika amerikane ka qenë shumë e vëmendshme ndaj Shqipërisë në favor të vendit. Problemi është se ne nuk kemi aftësi analitike të tilla. Këtu po flasim për neo-shqiptarët që do të thotë shqiptarët e rinj, në moshë, në ide,në profesion. Për herë të parë dëgjuam për shqiptarët e rinj nga ndërkombëtarët, që unë e mbështeta. 

Sot është 20 shtatori, sot hyn në fuqi ligji i vetting-ut? Si ju duket heshtja e presidentit? Ishte rruga e duhur?
Presidenti cënohet nga ligji. Është në fluksin e qeverive të vjetra që do të kontrollohen. Por nuk është vetëm e vetes sepse ai ndodhta është i kontrolluar. Atë e ka bërë Saliu president. Pushtetin gjyqësor, prokurorinë, kryetarin e parlamentit të gjitha i ka Saliu, vetëm policinë e ka Rama. Çdo njeri në kohë të ndryshme del nga vetvetja. Të gjithë tani kanë frikën e ndëshkimit. Forcën policore e ka Rama që deshën tja marrin por nuk ja morën dot. Prandaj e sulmojnë ministrin Tahiri.

Ministri Tahiri është më i sulmuar, çfarë komenti keni ju për kanabisin?
Duhet të jemi realistë është mbjellje e fshatarëve, njerëzve më të varfër të vendit. Trafikimi vjen më vonë. Shteti edhe mund të ketë toleruar. Në këtë masivitet nuk mund luftohet kanabisi. Opozitën nuk i vret mendja se është bërë masive, por se i lë policia. Nuk mund të kontrolljë policia çdo hapsirë. Ne nuk dimë ta bëjmë luftën kundër lëndëve narkotike. Këta nuk kapin dot trafikun dhe ju sulen fshatarëve. Ky është fenomen nuk është spontanitet. Këta kanë një farë stepje ndaj kësaj çështje. A është një lloj paaftësie për të vepruar apo është një lloj interesi për t’i lenë për të vepruar sepse nuk ka para? Nuk mund të flas më tepër sepse nuk kam fakte për këtë gjë. Nuk goditet fenomeni përmes Tahirit. Ministrin e duan për arsyet që thashë unë. Ky është një fenomen i trashëguar. 

Pse sipas jush pasi u goditën fenomene si mos pagimi i dritave, ndërtimet pa leje ato nuk po përsëriten. E njeta gjë nuk ndodhi me kanabisin. Edhe pas goditjes së Lazaratit, vazhdohet të kultivohet sërish kanabis?
Nuk ka struktura. Ata që e kanë mbjellë e dinë, që kush u kap u kap. Ata mbjellin në toka pa pronar. Ky është një fenomen. Ata janë fshatarë që e mbjellin në këto toka pa pronar për ta trafikuar më pas. 

Ju nuk do ishit dakort me liberalizimin e tij?
Jo nuk është çështje për momentin, shteti duhet ta zhdukë fillimisht fenomenin kriminal. 

Ligji i mbetjeve, a është vendim i gabuar ky i qeverisë pasi ishte ligji i parë që rrëzoi kur erdhi në pushtet?
Mbetjet janë një tmerr në SHqipëri, por që të bëhen fabrikat duhen investime gjigande dhe në qoftë se një kompani vjen këtu shikon se nuk aq plehra sa për fitim. Pastaj ndodh importi. Unë e di që sot duhet të ishte e liberalizuar dhe e kontrolluar. Këta nuk po lëpijnë atë që kanë pështyrë por më parë ata nuk kanë qenë opozitë profesionale kur e kanë kundërshtuar tre vjet më parë. 

Zoti Topi është shprehur se kjo e djathta është e pashpresë. Ju si e shikoni këtë të djathtë?
Të djathtën e dobësoi mosegzistenca e saj. E djathta duhet të ishte tregu, tani është antitregu. PD nuk flet për tregun, nuk flet për kapitalizmin. Për çfarë shërben kjo e djathtë kur nuk flasin për tregun? Ata janë out. Ata kanë injorantë, flasin siç flet Saliu. Unë nuk shoh prespektivë tek ata. 

Ju kam pyetur për Ben Blushin kur nisi të kundërshtontë Ramën në PS. Më keni thënë se Blushi gjeti kohën e gabuar për t’u shprehur. Po për Bregun? A po flet ajo në kohën e duhur?
Bregu po flet në kohën e duhur. Ajo e di se do të ketë fluturime në atë parti. 

Mund të jetë ajo lidere e PD-së?
Revervohem në këtë pjesë. Ajo mundohet t’i thotë Berishës se jam më i aftë së Basha. Ne nuk dimë se ku mbaron Berisha dhe fillon Basha. PD-ja nuk ka ide, janë në luftë mes tyre. Shqipëria po bën reforma, ata nuk bëhen pjesë e tyre. Dibranët ju dëshmuan se nuk i mbështesin. Dibra e kuptoi që ata janë anti-amerikanë. Këtu ka një aleancë shqiptaro-amerikane. Çdo politikë duhet t’i qëndrojë deri në fund sepse shkel interesin kombëtar.

Rama i tha po Reformës në Drejtësi? Por ndonjë gjë tjetër në këto 3 vite nga Rama nuk kemi parë, ekonomia gjithashtu është në nivele aspak të kënaqshme? 
Ekonomia shqiptare është në embargo. Pa bërë reformën në drejtësi nuk ka nga të marrë para. Rama pranoi Reformën në Drejtësi dhe tani ai ka pushtet. Kundërshtarët e tij i rrëzon reforma. Me reformën Rama siguroi mbijetesën e parties së tij. Opozita duhet të luftojë me ide, nuk mund të luftojë me policinë. 

Ku do të jeni vitin tjetër? Flisni me Ramën?
Është ende herët. Flas me kryeminisrin Rama vetëm kur ka kriza. 

Amerikanët kanë qenë aleatë të grekëve, ndërsa ju po flisni për një njohje të gjenocidit të Çamërisë?
Amerika ka dalë në funksion të të drejtave. Nuk flitet politika për një vit por në perspektivë.

Po e ndiqni fushatën presidenciale në SHBA? Kë mbeshtesni ju Trumpnin apo Clintonin?
Unë jam me Clinton edhe pse është jashtë natyrës sime si i djathtë. Në këtë rast respektoj interesin kombëtar, jo interesin personal. Çifti Clinton ka bërë luftën e Kosovës. Unë e respektoj interesin e shqiptarëve.
 
Redaksia Online
XH.K/shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51