Ermal Gora, 46 vjeç, është ekstraduar nga Spanja në vendin tonë, pasi rezultonte në kërkim si pjesë e grupi prej 3 personazh, të cilët do të ekzekutonin një person në maj 2023. Ndaj tij, rëndojnë akuzat “Sigurimi i kushteve dhe i mjeteve materiale për të kryer vrasje” dhe “Mbajtja pa leje dhe prodhimi i armëve, armëve shpërthyese dhe i municionit”.

“Ky shtetas dyshohet se, në maj të vitit 2023, në bashkëpunim me 3 shtetas të tjerë, kanë tentuar të vrisnin 1 shtetas. Ngjarja kriminale u parandalua si rezultat i ndërhyrjes së Policisë së Beratit, në kuadër të operacionit “Objektivi”, njoftoi Policia e Shtetit.

Ende nuk dihet se cili person ka qenë shënjestra e grupit, i cili u zbulua asokohe nga Policia e Beratit teksa lëviznin me një makinë te mbushur me sendet për organizmin e atentat. Me ekstradimin e Gorës, tre anëtarët e grupit janë në qeli. Arli Shehu 30 vjeç është arrestuar pak muaj pas atentatit, ndërsa Hamit Berisha 57-vjeç, nga Kosova, është ekstraduar korrikun e vitit të kaluar.

Në mjetin që iu sekuestrua grupit më 31 maj 2023, Policia gjeti një motor që figuronte i vjedhur, dy skafandra veshje kamuflazhi xhupa meshini dy radio marrëse -dhënëse një armë zjarri automatik me silenciator, dylbi, dorashka lëkure, një thik, një sasi municioni luftarak, bidonë me benzinë dhe disa sende të cilat do përdoreshin për të realizuar atentatin.