VIDEO
Në Kuvendin e Shqipërisë është depozituar një projektligj, i cili ndër të tjera parashikon ngritjen e Policisë Vullnetare, strukturë mbështetëse e Policisë së Shtetit. Projektligji ndryshon ligjin për Policinë e Shtetit, duke parashikuar Policinë Vullnetare ose Policimin Vullnetar. Kjo strukturë e re do të jetë një bashkim vullnetar i kontributeve të vetëofruara nga shtetasit shqiptarë, për t’i ardhur në ndihmë Policisë së Shtetit, kryesisht për ruajtjen e rendit dhe të qetësisë publike. Grupi i qytetarëve do të ndihmojë gjithashtu Policinë e Shtetit për parandalimin e krimit dhe përballimin e situatave të emergjencave civile.
Ndërkaq, projektligji, i cili pritet të miratohet në ditët në vijim në Parlament, ngarkon Këshillin e Ministrave për miratimin e një vendimi, i cili rregullon organizimin, funksionimin dhe fushën e Veprimit të Policimit Vullnetar. Ligji ka shkuar në Kuvend pikërisht katër muaj para zgjedhjeve të 18 Qershorit, kur ka një risk më të madh për rritjen e kriminalitetit.
Përfitimet
Për shkak të përfshirjes së Policisë Vullnetare, projektligji ka ndryshuar nenin neni 75 të ligjit, për trajtimi i familjarëve të punonjësve të policisë që humbin jetën për shkak të kryerjes së detyrës. Projektligji parashikon trajtimin financiar të familjarëve të punonjësve që humbin jetën për shkak të detyrës, por edhe të shtetasve që humbin jetën në ndihme të strukturave të Policisë së Shtetit. "Familjet e shtetasve, të cilët humbin jetën për shkak të kryerjes së detyrave në ndihmë të strukturave të Policisë së Shtetit, përfitojnë, në mënyrë të ngjashme, çdo ndihmë dhe trajtim të parashikuar në pikën 1 të këtij neni. Përfitimet e ngjashme, për këtë kategori, caktohen në bazë të pagës mujore, dhe për shtetasit jo në marrëdhënie pune, në bazë të pagës mujore të gradës `Inspektor’”, parashikon ligji. Pra, ndryshim sjellë risi pasi parashikon trajtim jo vetëm familjeve të punonjësve të policisë që humbin jetën për shkak të detyrës, por edhe familjeve të shtetasve, të cilët humbin jetën për shkak të kryerjes së detyrave në ndihmë të strukturave të policisë.
Periudha e provës
Në nenin 15 të projektligjit, parashikohet që në nenin 142, pika 7 të shfuqizohen, ndërsa pika 5 ndryshohet duke ulur periudhën e provës nga 2 vite në 1 vit. Shfuqizimi i pikës 7 të nenit 142 është bërë pasi kjo dispozitë krijon pabarazi midis ish punonjësve të policisë që kanë ndërprerë marrëdhëniet e punës me strukturat e Policisë së Shtetit para hyrjes në fuqi të ligjit dhe ish punonjësve të policisë që kanë ndërprerë marrëdhëniet e punës me strukturat e Policisë së Shtetit pas hyrjen në fuqi të ligjit nr. 108/2014 "Për Policinë e Shtetit". Nga ana tjetër ky shfuqizim është bërë edhe për shkak se punonjësit e policisë që rikthehen në Policinë e Shtetit pas një periudhe të gjatë kohore (me shumë se dy vite), të ndërprerjes së marrëdhënies të punës me struktura e policisë, nuk mund të jenë efektivë në punë si punonjësit e policisë të cilët vazhdojnë pa pandërprerë marrëdhëniet e punës.
Masat
Mazhoranca qeverisëse synon të shtojë me ligj masat e sigurisë, për t’iu përgjigjur në kohë dhe me efikasitet çdo skenari për destabilizimin e vendit, prishjen e rendit dhe të qetësisë publike, si dhe situatave të emergjencave civile.
Struktura e re
Struktura e re do të jetë një bashkim vullnetar i kontributeve të vetëofruara nga shtetasit shqiptarë, për t’i ardhur në ndihmë Policisë së Shtetit, kryesisht për ruajtjen e rendit dhe të qetësisë publike.
Redaksia Online
XH.K/Shqiptarja.com
Lajme të tjera
-
Ervin Salianji feston ditëlindjen në qeli, Ina Zhupa: Sot nuk është me demokratët, qëndron atje si i burgosur politik
16 Janar, 19:43 -
Të rinjtë në politikë, Nikola Kedhi: Qeverisja e Ramës më e keqja, Basha çoi PD vetëm në humbje! Kullolli: Zgjedhjet e 11 majit janë pikë kyçe për integrimin
16 Janar, 19:18 -
Gjykata e Koresë së Jugut hedh poshtë peticionin për lirimin e presidentit të ndaluar
16 Janar, 19:15 -
VKM/ Pas 6 muajsh në detyrë, shkarkohet zëvendësministri i Mbrojtjes, Dorian Tola
16 Janar, 18:56 -
Romeo Kara: Berisha, burimi i të gjitha të zezave! Merkoçi: Është lehtësisht i manipulueshëm ngaqë në PD i lëpihen shumë vetë
16 Janar, 18:37 -
Starmer firmos marrëveshjen 'për 100 vjet partneritet' me Ukrainën gjatë vizitës në Kiev
16 Janar, 18:35 -
‘U lodha duke qëndruar në shtëpi!’, 21-vjeçari thyen arrestin dhe kapet duke shëtitur në rrugë! Befason karabinierët me përgjigjen
16 Janar, 18:29 -
Kandidoi në primaret e Berishës/ Fatmir Merkoçi: Nuk ishin të vërteta! Erdhën njerëz nga rruga dhe votuan! Rithemelimi nuk ka sjellë asnjë emër të ri
16 Janar, 18:28 -
Vota e Diasporës/ Kalojnë 20 mijë aplikime, KQZ refuzon 1600 persona për një ditë! KQZ rrëzon 1/3 e emigrantëve, shkak adresa e banimit
16 Janar, 18:25
-
Kablli Shqipëri- Itali - EBA, përfshihen gjigandët “Taqa” dhe “Terna”! Ministri i EBA: Bëhen bashkë bollëku shqiptar dhe ndërlidhja e Italisë
16 Janar, 18:19 -
Hetimet për 21 janarin, Romeo Kara: Berisha të vret për pushtet! Një tufë maskarenjsh ende i shkon prapa! Merkoçi: Duhen hetuar edhe Bamir Topi me Ina Ramën
16 Janar, 18:18 -
Në oborrin e QSUT do të ngrihen dy ndërtesa 5-katëshe, 16 miliardë lekë për ndërtimin e parkingut dhe hotelit
16 Janar, 17:48
