Nikoliç: Nuk takohem me
Hashim Thaçin

MOSKE- Presidenti i zgjedhur i Serbisë, Tomisllav Nikoliç i tha televizionit “Russia Today” se ai është nacionalist, por edhe demokrat, që i respekton vlerat evropiane.
Ai ka thënë se do të kalojë kohë e gjatë derisa të pranohet nga mediat perëndimore, pasi pwr tw ka patur shkrime negative.
Duke folur për rrugën e Serbisë drejt BE-së, ai ka thënë se procesi do të ndalet "në qoftë se na kërkohet që të heqim dorë nga një pjesë e territorit nga Kosova”.
I pyetur nëse është i gatshëm për dialog me Prishtinën dhe kryeministrin e Kosovës, Nikoliç, tha se “do të diskutojë me përfaqësuesit e Prishtinës, por jo me Hashim Thaçin sepse, ai “është i dyshuar për krime kundër popullit serb”.
Tomisllav Nikolliç është zgjedhur president i Serbisë në balotazhin e 20 majit.
Nikoliç ka qenë në Partinë Radikale të Vojisllav Sheshelit, i cili gjendet në Hagë, ku akuzohet për krime lufte të kryera gjatë konfliktit të viteve të ’90-ta në ish- Jugosllavi.
Nikoliç njihet për retorikë nacionaliste kundër shtetit të ri kosovar dhe një gjë të tillë e ka dëshmuar edhe gjatë fushatës zgjedhore, në veri të Mitrovicës.
(b.a/shqiptarja.com)