Qeveria ka ndryshuar propozimin për taksën e qumështit pluhur duke përjashtuar fabrikat e prodhimit me etiketë të miratuar nga Autoriteti Kombëtar i Ushqimit. Ndryshimi ku Financat tërhiqen nga propozimi fillestar është reflektuar në projektligjin e depozituar tashëm në Kuvend ku përfshihet edhe kjo shtesë përmes një neni të posaçëm. Më herët, qeveria kishte propozuar vendosjen e taksës 100 lekë për kg për të gjitha kategoritë, masë e cila nuk u mirëprit nga grupet e interesit dhe nga shoqatat e biznesit.
Në dëgjesën e bërë sot në Komisionin për Veprimtaritë Prodhuese, Nikolin Jaka, ka folur edhe për taksat e tjera. Ai është shprehur se duhet të taksohet qumështi pluhur në rast se taksohen edhe edhe produktet e tjera me baze qumësht pluhur. Sipas tij 88% e industrisë së qumështit në vend është informale
"Kjo paketë cenojnë rëndë industrinë prodhuese, duke filluar nga heqja e TVSH-së për blegtorët që është 6%, ku ne kemi vite që kërkojmë një TVSH të reduktuar për të gjitha produktet ushqimore, siç e kanë edhe vendet e rajonit. Nëse kemi një agjendë OPEN BALLKAN ne duhet të kemi kosto të njëjta, konkurrencë të drejtë në mënyrë që të konkurrojmë. Aktualisht gjithë industria e prodhimit të qumështit është në një kolaps të plotë. Sot e marrim qumështin cilësor me 64 lekë, mos ta ngatërrojmë me qumështin që shesin fermerët individual. Ky çmim është 52 cent, ndërkohë në Maqedoninë e Veriut është 33 cent, Serbi 31 cent në Kosovë 35 cent. Atëherë si do të konkurrojmë në rajon ne, çfarë agjende keni menduar për industrinë e përpunimit të qumështit? Aktualisht Bosnja, Maqedoni dhe Serbia kanë mbi 59% të importit të qumështit në Shqipëri. Deri para 3 vitesh kanë qenë 10-20%, pjesa tjetër është vende e BE.
Analiza tjetër që është 6 lekë për litër. Paaftësia e administratës për ti menaxhuar evazionin dhe kontrabandën, i bie shkurt eksperti i ministrisë së financave që nuk njohin politika zhvillimore të biznesit ose s’duan ti njohin, që janë skenar të këqij. Nëse do paguajmë 6 lekë për litër ose 12 lekë për kilogramë sepse kjo është norma e gazit plus TVSH i thonë 14.4 lekë për kilogram. Në 2019 e blinim gazin me 38 lekë tani e blejmë gazin me 135 lekë. sot jemi nën efektet e pandemisë. Vetëm taksa që propozohet sot për gazin, kur të shkojmë në normalitet do kemi koston 36%", ka thënë Jaka.
Sipas tij akciza për qelqin është 50 lekë kg që nuk e ka Maqedonia, Kosova apo Serbia.
"Akciza e plastikës dëmton rëndë industrinë e qumështit dhe të ujit. Ne nuk konkurrojmë dot ujin e San Pelegrinos sepse ne paguajmë akcizën e ujit në hyrje dhe nuk na kompensohet në eksport sepse makina llogaritëse e financave harron për të kompensuar por vetëm mbledh. Duhet të bëjmë një praktikë 6 muaj për ekspertët e ministrisë së financave nëpër biznese që të mbajnë bilancet e të mësojnë, të shohë datat kur të paguaj punonjësit tatim-taksat dhe pastaj të bëjnë paketat.
Ministria e Financave aplikoi edhe një taksë që është 100 lekë/kg për qumështin pluhur. Në mënyrë kategorike ne e kemi thënë jemi pro të vihet, por ti nuk mund të taksosh qumështin pluhur që është lëndë e parë, ndërkohë që do të lejosh të gjitha produktet me bazë qumështin pluhur që të futen pa taksë, sepse ligji për ushqimin që ministria e ka lexuar pak i ka të përcaktuara qartë. Çfarë sensi ka që lënda e parë që përdor industria vendase me bazë qumështi pluhur të jetë e taksueshme ndërsa produktet që vijnë me bazë qumësht pluhur të jetë pa taksë, kujt i shërbejmë? Industrisë prodhuese apo lobingjeve të importit. Ju e dini që djathi danez ka 70% të tregut shqiptar se shitet me 250 lekë kurse djathi i lopës që bëjmë ne, nuk bëhet me qumësht pluhur dhe yndyrë bimore bëhet vetëm me qumësht lope, dhie apo dele, dhe e kemi koston duke e llogaritur me 65 lekë herë 8 kile për një kilogram djathë bëje llogarinë vetë sesa shkon", vijoi ai.
Kryetari i Dhomës së Tregtisë dhe Industrisë në Tiranë Nikolin Jaka, tha gjithashtu se kjo paketë fiskale është në nderin e mazhorancës që të tërhiqet dhe të punohet me grupet e interesit duke parë çdo fenomen dhe vështirësi ka biznesi dhe duke e analizuar në kuadër të procesit të Ballkanit të hapur. Nëse nuk keni një agjendë ekonomike industria e qumështit do të shkojë drejt humbjes, tërheqjes, zbehjes apo drejt mbylljes për të rritur prodhimit.
"Kërkojmë 5% TVSH për produktet blegtorale në shitje, ndërsa në blerje nuk është obligimi i qeverisë. Kërkojmë 10 lekë subvencion i pastër. Sot me kostot që kanë fermerët po i mbyllin fermat. Sot kemi 88% informalit në industrinë e prodhimit të qumështit. Pra nga 1.1 milionë litra që prodhon vendi ynë vetëm 101 mijë litra janë në përpunim dhe me faturë dhe pjesa tjetër është e paformalizuar. Nëse nuk kemi subvencionin për formalizim dhe konkurrim të rajonit. Nga ky 88%, që ta kuptojmë 40% është për nevoja personale, dhe 60% është për baxhot e paregjistruara apo njësitë e prodhimit që janë nën ombredhën elektorale dhe i gjithë qumështi i rrugës që jam i sigurtë që edhe këtu mund të ketë deputetë që thonë e marr qumështin nga fshatarët dhe jam rehat. Në Tiranë shpërndahet qumështi nëpër apartamente me shishe plastike, dhe rreziku nga shishja është më e madhe se rreziku i qumështit. Kur i themi AKU-së për këtë, ajo na thotë që nuk e kemi ne tagër se ata kanë licencë, edhe kështu Ministria e Financave, po këtë informaliteti kush e ka tagër. Diferenca e çmimit nga shitja për industrinë e përpunimit tek shitja për qytetarin që e çon në të zezë është 25% për kg ose rreth 15-20 lekë. fshatari në treg të zi po e shet qumështin me 150 lekë, ndërsa industria e shet vetë po me këtë çmim", tha Kryetari i Dhomës së Tregtisë dhe Industrisë në Tiranë Nikolin Jaka.
Komente
Lajme të tjera
-
Rikthehet ‘Kuvendi Popullor’, mazhoraca prezanton buxhetin në komisione dhe ndryshon emërtesën në dokumente! Gështenja: Ju mungon vetëm ylli tek logoja
11 Nëntor, 17:08 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
‘Harrohet’ Beleri, në Tiranë mblidhen biznesmenë shqiptarë e grekë! Ambasadorja greke: Vendi i shqiptarëve në BE, sipërmarrja helene të investojë këtu
31 Tetor, 16:51
-
Nga 1 janari, certifikatat e origjinës nga Doganat në mënyrë elektronike! Shtohen edhe 4 aplikacione të reja online
9 Tetor, 17:48 -
Satelitët Albania 1 dhe 2 po fotografojnë vendin! Do japin hartën e dëmeve nga zjarri
17 Shtator, 17:23
-
KE hetim, Shqipëria analizë! Ende mister përse u stakuan dritat në 4 shtete
24 Qershor, 16:14
-
Lehtësi fiskale të rinjve të punësuar, një pjesë e tatimit mbi pagën do u kthehet mbrapsht! Taksim 23% vetëm për pagat mbi 250 mijë lekë
16 Prill, 16:26
-
Tatimi i rrogave të larta pritet të ulet në qershor! 23 mijë qytetarë me pagë mbi 200 mijë lekë! Ministria e Financave po punon për fashat e reja
25 Mars, 15:56
-
Ligji i investimeve strategjike, afati shtyhet deri në dhjetor 2024, Tabaku: S’keni lënë gjë pa dhënë me këtë ligj! Braçe: S'kishim ç’të jepnim, i kishit dhënë ju para 2013-ës
5 Mars, 15:13 -
Komisioni i Ekonomisë u mblodh online, deputeti i PS, Erion Braçe: Sali Berisha nuk na bllokon dot!
1 Nëntor 2023, 18:04 -
Blegtoria në rënie/ Qeveria lehtëson blerjen nga jashtë të bagëtive, hiqet TVSH-ja në import për kafshët e gjalla
1 Nëntor 2023, 09:26
-
Paketa fiskale/ Tavan për akcizën, gjoba të reja për bizneset që nuk paguajnë në kohë tatimin! Indeksimi jo në bazë të inflacionit
31 Tetor 2023, 19:41
88% informale? Mos u merzitni. Eshte nder prioritetet koncesionare te qeverise "formalizimi" i qumshtit. Me pas edhe kosit dhe vezeve. Si produkte baze per vende si UK apo BE. Jo me kot ka nisur targetimin qeveria me akademine e barinjeve. Si duket kreu i shoqates, Jaka, eshte nder perfituesit nga keto skenare.
Përgjigju