Dy ditë pasi Ministri i Shëndetësisë, Ilir Beqaj bëri me dije se Këshilli i Ministrave ka miratuar vendimin për rritjen e akcizës së cigareve me 20 lekë, reagimi në treg ka qenë i menjëhershëm. Edhe pse ligji pritet të hyjë në fuqi nga 1 janari, rezulton se në një pjesë të konsiderueshme të dyqaneve çmimi i paketave është rritur mesatarisht me 20 lekë. Ky është një abuzim i hapur, pasi paketat vijojnë të mbajnë pullën e vjetër të akcizës, çka do të thotë se deri në vendosjen e pullës së re me rritjen përkatëse, çmimi në treg nuk duhet të ndryshojë.