POP 5

Lajmet më të lexuara të 5 minutave të fundit

Sociale

Nis blerja e gjelave të detit në Baldushk, fermerët: Më shumë fluks se vitin e kaluar 

Nis blerja të gjelave të detit në tregun e Baldushkut. Edhe pse në kulmin e shitjeve, fermerët tregojnë për Report Tv se këtë vit ka pasur më shumë blerje se vitin e kaluar. Ndërsa qytetarët thonë se është tregu më i mirë për të gjetur gjela të freskët.

Ka filluar blerja e gjelave të detit nga qytetarët për festat e fundvidit, ndërsa fermerët e Baldushkut janë në kulmin e punës së tyre. Mundi i muajve të lodhshëm për të rritur këta gjela shpërblehet pikërisht në këtë periudhë të vitit. 

Tregu i Baldushkut prej 3 vitesh u jep mundësi fermerëve të zonës të shesin shpendët e gjalla, ndërsa për qytetarët, ky treg është destinacioni kryesor për të zgjedhur gjelin që do mbizotërojë në tavolinën e tyre natën e ndërrimit të viteve. “Një gjel deti e ka 8 mijë lekë të vjetra kilogramin. Jemi mirë këtu. Në krahasim me vitin e kaluar ka më shumë blerje”, shprehet një tregtar.

Ndërsa qytetarët tregojnë se vendi më i mirë për të blerë gjelin e detit, është pikërisht ky treg. “Ky është vendi më i mirë për të blerë gjelin. Këtu vijmë gjithmonë”, thotë një qytetar.

Përveç fermerëve, edhe fëmijët merren me shitjen e gjelave të detit. Klevis Ibra është 13-vjeç. Ai tregon se ndihmon prindërit e tij duke qenë se ka pushime në shkollë, dhe për të shitur gjelat e detit, e ndihmojnë dhe shokët. “Ne shesim më shumë gjela në datë 25 dhe 31, kur janë krishtlindjet dhe viti i ri. Unë i shes gjelat duke u thënë shokëve të mi, dhe ata u thonë njerëzve të tjerë”.

Fermerët e zonës së Baldushkut ofrojnë dhe pastrimin e gjelave për të gjithë qytetarët që preferojnë ta marrin të pastruar. Teksa afrohet nata e ndërrimit të viteve, shihet qartë fluksi i njerëzve që shkojnë në tregun e Baldushkut.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08