Brenda këtij viti duhet të mbyllen të gjitha kërkesat e bizneseve për rimbursimin e TVSH-së. Kjo është kërkesa që ministria e Financave i ka bërë administratës tatimore, dhe sipas ministrit Ervin Mete, prioritet të jenë eksportuesit.
“I kam kërkuar Administratës Tatimore që të gjitha rimbursimet që ka në proces të përmbyllen deri në fund të vitit, në mënyrë që të mos ketë asnjë rimbursim të mbartuar për vitin tjetër sepse edhe ky është një tregues i përmbushjes në kohë të detyrimeve në ndërveprimin me biznesin. Madje, i kemi kërkuar të përshpejtojë për sektorë të caktuar, siç janë eksportuesit apo sektor të tjerë, procedurat e administrimit të mos ketë asnjë vonesë dhe vitin tjetër të mos ketë asnjë detyrim të prapambetur në këtë aspekt”, tha Ministri Mete.
Kërkesën ministri e bëri në mbledhjen e Këshillit të Investimeve ku u diskutua Programi i Reformave Ekonomike 2024-2026, pjesë e së cilit do të përfshihen reforma edhe në kuadër të integrimit në Bashkimin Evropian.
Sipas ministrit fokusi i këtyre reformave do të jetë përmirësimi i klimës së biznesit apo avancimi drejt tregut të përbashkët evropian.
Për tre vitet e ardhshme, reformat do të bazohen 3 pika kryesore. Së pari vëmendje tek burimet njerëzore, kjo dhe për faktin e mungesës së punonjësve në shumë sektorë të ekonomisë.
Së dyti rëndësi do ti kushtohet zhvillimit të qëndrueshëm, dhe së treti do jetë në fokus rritja e konkurrueshmërisë, me synim përmirësimin e mjedisit të biznesit, uljen e informalitetit, si dhe tejkalimi i pengesave në bujqësi, industri dhe shërbime.
Ministri tha ndër të tjera se Shqipëria po bisedon me Bashkimin Evropian për të marrë 1 miliard euro nga i “Plani i Rritjes së Ballkanit Perëndimor.”
“Plani i Rritjes i Bashkimit Europian parashikon rreth 6 miliardë euro fonde të premtuara për Ballkanin Perëndimor, ku Shqipëria parashikohet të përfitojë rreth 1 miliardë euro, të lidhura me progresin e reformave substanciale, ku një pjesë e tyre pritet të përfshihen edhe në Programin e Reformave Ekonomike. Synohet nxitja e përshpejtimit të konvergjencës socio-ekonomike mes Ballkanit Perëndimor dhe Bashkimit Europian, si dhe një integrim i përshpejtuar në një sërë fushash të lidhura me tregun e përbashkët dhe me tregun rajonal”, tha Mete.
Lajme të tjera
-
Strategjia e Menaxhimit të Financave Publike! Ambasadori i BE: Jo më ndryshim buxheti me akt normativ, monitoroni PPP-të! BB: Eliminoni korrupsionin (VIDEO)
3 Maj, 11:58 -
Së shpejti, transaksione në euro, Mete në takimin e ministrave të Ballkanit: Avancuam anëtarësimin në sistemin europian të pagesave
27 Prill, 13:38 -
Mete e Sejko në Uashington, FMN e BB vlerësojnë qëndrueshmërinë e Shqipërisë, mbështetje dhe financim për reformat
22 Prill, 09:33 -
Nënshkruhet marrëveshja/ Banka Botërore financon me 80 milionë dollarë projektin në mbështetje të turizmit të qëndrueshëm
21 Prill, 10:22 -
Ervin Mete: Ekonomia e Shqipërisë e qëndrueshme, por e ndikuar nga rrethanat financiare globale
19 Prill, 21:59 -
Rinovohet Marrëveshja e Ndihmës për Objektiva Zhvillimi me USAID, Mete: Zgjerohet më tej financimi, afati shtyhet deri në 2030
16 Prill, 18:07 -
Paketë e re fiskale, ulje tatimi për pagat e të rinjtë deri në 29 vjeç dhe për prindërit me fëmijë nën 18-vjeç! Mete: Mësuesit, me rritjen më të madhe të pagave
12 Prill, 14:43
-
Shqipëri - Itali firmosin memorandum bashkëpunimi: Komisioni i përbashkët doganor kundër kontrabandës dhe mashtrimit në tregtinë ndërkombëtare
4 Prill, 14:40 -
Ministri i Financave: Në qershor do rishikohet tatimi mbi pagat! Synojmë lehtësimin e tatimit për shtresat e mesme! Dhoma Amerikane: Erëra të mira për vendin, por s’mjaftojnë
26 Mars, 21:17
-
Ministri i Financave: Nga turizmi ekonomia përfitoi 4.2 mld euro vitin e kaluar
26 Mars, 17:31 -
Mete takon Wisner: Forcojmë bashkëpunimin me SHBA! Në fokus siguria kibernetike e forcat e armatosura
13 Mars, 10:35 -
Inceneratorët/ SPAK merr në pyetje për 30 minuta ministrin e Financave, Ervin Mete
6 Mars, 17:47
