POP 5

Lajmet më të lexuara të 5 minutave të fundit

Kronikë

Nis ndërtimi i banesës së efektivit të rënë në detyrë! Veliu: Policia jep 4 milionë lekë të reja për '224 kolegë dëshmorë'

Nisma e iniciuar nga fëmijët e efektivëve të policisë të rënë në detyrë e kthyer në fondacionin ‘Gjurma’ ka nisur punën për ndërtimin e banesës për familjen e efektivit Kol Ndreshaj, i vrarë në krye të detyrës në vitin 2010. 

TIRANE- Nisma e iniciuar nga fëmijët e efektivëve të policisë të rënë në detyrë e kthyer në fondacionin ‘Gjurma’ ka nisur punën për ndërtimin e banesës për familjen e efektivit Kol Ndreshaj, i vrarë në krye të detyrës në vitin 2010. 

Pjesë e takimit ku u prezantuan edhe objektivat e këtij fondacioni si dhe  shfaqën në monitor edhe fotot e policëve të rënë në detyrë, ishte edhe drejtori i Policisë së Shtetit Ardi Veliu. Në fjalën e tij ai theksoi se Policia e Shtetit do të japë një kontribut prej 4 milionë lekësh për këtë mision.

“224 kolegët tanë sot janë dëshmor, shumë prej tyre janë plagosur dhe të tjerë janë sakrifikuar. Shumë prej tyre sot janë në radhët e policisë së shtetit duke ndjekur rrugën e prindërit të tyre, e të tjerë janë  bërë specialist e profesionistë të zotë. Dëshiroj ti përcjell fondacionit ‘Gjurma’ një fond prej 4 milionë lekësh të reja kontribut i punonjësve të policisë së shtetit”, deklaroi Veliu. 

Ndërkohë nga ana tjetër Ministri i Brendshëm Sandër Lleshaj i pranishëm në takim u shpreh se policia është e vetmja organizatë që ka më shumë jetë të humbura në 30 vite.

“Si asnjë grup tjetër profesionistësh në Shqipëri në harkun e 30 viteve ka pësuar një humbje të rëndë, të parikuperueshme duke dëshmuar se është një nga organizatat për të mos thënë e vetmja që ka vënë në funksion të punës jo vetëm orët e saj por edhe gjakun”, u shpreh Lleshaj. 

Ndërsa kryetari i Bashkisë së Tiranës Erion Veliaj u shpreh se është në mbështetje të kësaj nisme. “Do të doja si Bashki e Tiranës të na konsideroni, dhe nise ka familje në territorin e Tiranës, të kontribuojmë edhe ne me të gjitha mundësitë që kemi”, tha Veliaj. 

Familja që do të strehohet nga kjo nismë është ajo e efektivit të rënë nga Shkodra në vitin 2010 Kol Ndreshaj.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erald: 23/01/2020 05:56

    Po lali Eri ca do te policia nuk po e kuptoj ?

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Janari i ftohtë dhe i kushtueshëm, 13 mln € import energjie! 950 mijë € kostoja vetëm për një ditë

Janari i ftohtë dhe i kushtueshëm, 13 mln € import energjie! 950 mijë € kostoja vetëm për një ditë

10 Janar, 19:37