POP 5

Lajmet më të lexuara të 5 minutave të fundit

Sociale

Nis pelegrinazhi në kishën e Shna Ndout në Laç, mijëra besimtarë i drejtohen vendit të shenjtë përgjatë 13 të martave

Ka nisur pelegrinazhi në kishën e Shna Ndoit në Laç ku besimtarë nga mbarë vendi morën pjesën në meshën e shenjtë. Ky ritual vazhdon çdo të martë deri më datë 13 qershor, kur katolikët festojnë Ditën e Shna Ndoit. 

E marta e 19-marsit shënoi nisjen e pelegrinazhit në kishën franceskane të "Shna Ndoit" në qytetin e Laçit.

Që prej orëve të para të mëngjesit, qindra besimtarë kalotikë të ardhur nga qytete të ndryshme të Shqipërisë iu drejtuan këtij vendi të shenjtë.

Kisha e Laçit ka bërë mrekulli të shumta, thonë pelegrinët, ndaj lutjet e tyre shkojnë për shëndet dhe harmoni familjare.

“Unë lutem për gjithkënd. Prej Kosove jam çuar apostafat”

Nga Tirana. Lutem për fëmijët, për dashamirësit e njerëzimin. Kam shumë besim.

Lutem për fëmijët. Vend i bekuar, na ka ndihmuar, për gjithçka i jemi lutur na ka dal në krah.

Vijmë shpesh, përderisa vijmë këtu kam besim. Kam parë njerëz që kanë ardhur në barela dhe janë kthyer në këmbë. Lutem për gjithë njerëzit e mi, mbarë ia bëftë gjithë popullit shqiptar kisha e Laçit”, thonë besimtarët.

Pelegrinët çdo të martë i drejtohen Kishës së Shna Ndoit deri më 13 qershor, ditën ku kulmon festa fetare. Për mbarëvajtjen e pelegrinazhit është hartuar një plan masash nga Policia në bashkëpunim me Bashkinë.

Rendit zhvillimet sipas orarit:
Ora 18:41
Dyndje qytetarësh drejt kishës së Shna Ndout në Laç për pelegrinazh

 

Dyndja e qytetarëve drejt Kishës së Shna Ndout në Laç të martën e parë të pelegrinazhit 13-javor ka krijuar trafik të rënduar dhe kaos në lëvizje.

Prej orës 17:00 të kësaj të marte është krijuar radhë kilometrike automjetesh nga superstrada deri në kishën e ‘Shna Ndout’.

Ndërkohë policia rrugore dhe ajo e rendit është vendosur në disa pika me qëllim lehtësimin sadopak të lëvizjes.

M.Q./Shqiptarja.com

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ndërtimi i TEC-it në Roskovec, Balla: Investim strategjik, zero risk për mjedisin

Ndërtimi i TEC-it në Roskovec, Balla: Investim strategjik, zero risk për mjedisin

27 Prill, 16:51