FIER- Rritja e cilësisë së shërbimit ndaj qytetarëve si dhe përmirësimi i infrastrukturës janë në fokus të punës së Drejtorisë së Përgjithshme të Shërbimeve të Transportit Rrugor. Për këtë qëllim në DRSHTRR Fier ka nisur realizimi i një investimi, i cili do të bëjë të mundur transformimin rrënjësor të mjediseve të kësaj drejtorie, duke siguruar kushte më të mira pune për personelin dhe veçanërisht për kushte komode për shërbimin ndaj qytetarëve.
Godina aktuale e DRSHTRR Fier gjendet në kushte të pamjaftueshme për të ofruar të gjitha shërbimet e nevojshme dhe për pasojë është kërkuar shtimi i ambienteve të shërbimit dhe rikonstruksion pjesor i saj. Projekti, i cili tashmë ka nisur të zbatohet, konstiston në ndërtimin e një shtese anësore, në krahun perëndimor të godinës ekzistuese, e organizuar në 2 kate, si dhe riorganizim i ambienteve ekzistuese duke ofruar komoditet dhe cilësi.
Ministrja e Infrastrukturës dhe Energjisë, Belinda Balluku, e shoqëruar nga Drejtori i Përgjithshëm i DPSHTRR, Blendi Gonxhja kanë inspektuar punimet e nisura për realizimin e këtij projekti.
Duke e cilësuar Drejtorinë Rajonale të Shërbimit të Transportit Rrugor Fieri si një ndër më të rëndësishmet në vend, referuar numrit të madh të qytetarëve që marrin shërbim pranë saj gjatë një viti, ministrja Belinda Balluku tha se ndërhyrja që po bëhet do t’i japë zgjidhje për një periudhë afatgjatë shqetësimit të këtyre viteve si për punonjësit e kësaj drejtorie ashtu edhe për drejtuesit e automjeteve.
“Kjo është një nga Drejtoritë Rajonale më të rëndësishme. Ne e kemi identifikuar në fillim të vitit problematikën, që kishim këtu, ndaj koha për ndërhyrjen ka ardhur dhe është shumë e rëndësishme që të jetë një ndërhyrje që do funksionojë afatgjatë dhe mos të na duhet të ndërhyjmë prapë”, nënvizoi Balluku.
Ministrja theksoi se përveç shërbimeve që janë përmirësuar ndjeshëm tashmë duhet të përmirësohen edhe ndërtesat, sistemet, rrjeti dhe gjithçka duhet të informatizohet. “Është e papranueshme që ne të vazhdojmë të punojmë me letra, të cilat sado të kujdesshëm të jemi nuk i ruajmë dot. Arkivat elektronike janë synimi kryesor përsa i përket kësaj pjese”, u shpreh Balluku.
Ministrja e Infrastrukturës dhe Energjisë bisedoi edhe me punonjësit e DRSHTRR Fier ku kërkoi prej tyre përkushtim maksimal në mënyrë që gjatë muajve që do të bëhen punimet për rikonstruksionin e godinës të mos ndikojnë në cilësinë e shërbimit që ju ofrohet qytetarëve.
“Gjithmonë në fazat e tranzicionit kur ka punime, kur do ndryshohen shumë gjëra brenda, përfshirë sistemin elektronik edhe gjithçka tjetër, kërkohet nga ju një impenjim shumë i madh, që të gjitha proceset të vazhdojnë pa ndërprerje dhe të mos kemi qytetarë të mërzitur. Proceset nga një herë mund të vështirësohen nga pak për shkak se aty do të ketë punime, por ama gjithçka që po bëjmë sot është për të qenë edhe ju në kushte më të mira, në mjedise më të mira pune, por dhe qytetarët t’i marrin shërbimet në mjedise ashtu siç ju takon. Të gjithë së bashku duhet të lehtësoni këtë fazë tranzicioni kaq të rëndësishme”, u shpreh Balluku.
Në DRSHTRR Fier ofrohen më shumë se 165 mijë shërbime gjatë një viti kalendarik duke e renditur këtë drejtori në vend të tretë në rang vendi sa i takon numrit të shërbimeve të ofruara.
Lajme të tjera
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Debate të forta te Ekonomia, Spaho akuza Ballukut: Keni vjedhur miliona me Thumanë-Kashar dhe tek ‘Tuneli i Llogarasë’! I përgjigjet zv/kryeministrja
8 Nëntor, 12:27 -
Bardhi akuza zv.kryeministres: Mjafton të shohim si vishej Belinda Balluku para 5 vitesh dhe se sa kushton veshja e saj sot! Je betuar për mirëqenie qytetarësh, jo të vetes
7 Nëntor, 15:51 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Denoncimi PD: Skemë ‘5D’ edhe te ministria e Belinda Ballukut! Kompania e të afërmve të Blendian Dalipit, tenderë publikë
1 Nëntor, 14:48 -
'Dëmi 180 milionë euro për 1 vit' Gazment Bardhi publikon dokumente me firmën e vulën e ministres Belinda Balluku: Shmangu Bursën e Energjisë për të favorizuar 4 kompani private
25 Tetor, 17:51 -
‘Tetori rozë’, Koçiu dhe Balluku apel grave: Parandalimi përmes depistimit shumë më efikas se kurimi, kontrolle falas pa sistem referimi
21 Tetor, 13:34 -
PD padit sërish në SPAK Belinda Ballukun! Bardhi: Shit-blerje energjie në mënyrë të paligjshme, për 1 vit grabiti rreth 180 mln euro
18 Tetor, 11:44 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Protesta para bashkisë, opozita: SPAK duhet të hetojë Belinda Ballukun, menaxhon 75% të buxhetit
25 Shtator, 12:23
