POP 5

Lajmet më të lexuara të 5 minutave të fundit

Ekonomi

Nis shpërndarja e bonusit 5 mijë lekë për 704 mijë pensionistë! Qytetarët: Shpërblimi mbaron për 2 ditë me këto çmime! Varfëria ka nxjerrë dhëmbët, s'ka festime

Ka nisur shpërndarja e bonusit të fundvitit për 704 mijë pensionistë në të gjithë vendin. Drejtori i ISSH Astrit Hado, njofton se përfituesit kanë afat 1 vit për të tërhequr shpërblimin. Nga ana tjetër pensionistët thonë se bonusi nuk mjafton përballë çmimeve të larta, që u ka vështirësuar jetesën

Më shumë se 704 mijë qytetar në vend që marrin pension, nga kjo e hënë së bashku me pensionin mujor do të marrin edhe shpërblimin prej 5 mijë lekë për festat e fund vitit.

“Qytetarët mund t'a tërheqin bonusin deri në 31 dhjetor 2024. Të gjithë ata që nuk munden për arsye të ndryshme, mund ta tërheqin këtë bonus edhe vitin e ardhshëm. Nuk ka nevojë që të shtyhen nëpër radhë. Bonuset po i shpërndajmë me këstin mujor të pensioneve”, u shpreh Astrit Hado, drejtor i ISSH.

Por sa i mjaftueshëm është për pensionistët ky shpërblim?

“Nuk mjafton se familjet duan të ushqehen, nuk dalin lekët. Ça pensioni marr unë, pensioni është shumë i vogël”, thotë një pensionist.

“Them se është një ndihmë e vogël për ne pensionistët”, tha një tjetër qytetar.

Edhe pse jemi në prag të festave të fundvitit, çmimet e larta e kanë zbehur atmosferën festive, pasi pensionistët thonë se kostot nuk i përballojnë dot, as me këtë shpërblim.

“Varfëria ka nxjerrë dhëmbët, ndërsa borgjezia po thellon rrënjët. Të gjitha janë të shtrenjta, por ushqimet janë dhe të pakontrolluara. Me këto çmime nuk dilet, mundohemi të kursejmë. Aq sa kemi do të hamë”, pohon një pensionist.

Më shumë se ky shpërblim, sipas pensionistëve duhet të shikohet masa mujore e pensioneve që marrin.

“Ky shpërblim është për dy dit. Nuk i mbyllim dot plagët, ne duam një pension të rregullt si të gjithë, unë edhe 100 mijë lekë nuk i marr. Kontribuova u lodha dhe prapë nuk i marr”, tha qytetari.

Në total janë mbi 3.5 miliardë lekë, që shpërndahet për të gjitha kategoritë përfituese ku përfshihen ato me pension pleqërie, social, invaliditeti, familjar, apo pensionet e parakohshme, si dhe ata me trajtim të veçantë si ish minatorët, naftëtarët apo punonjësit e ish-ndërmarrjeve ushtarake. Ky është bonusi i dytë që shpërndahet për këtë vit, pas atij në muajin prill, që u dha nga taksa e jashtëzakonshme që ju vendos hidrocentraleve.

KATEGORITË QË PËRFITOJNË

-Pension pleqërie dhe pension social

-Pension invaliditeti

-Pension familjar

-Pension të parakohshëm

-Minatorët, punonjës të ish-ndërmarrjeve ushtarake

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meri: 04/12/2023 21:39

    Shume shtete për fundviti i japin pensionistëve pensionin e 13,kurse në shqipēri i japin thërrime,dhe e bëjnë tē madhe,kushedi se ç'far po ju japin.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

'Aktrimi në politikë s'i shërben të rinjve', Kryemadhi: Jam gladiatore me taka e jo grua burrë! Ka ardhur koha të shoh prioritete të tjera

'Aktrimi në politikë s'i shërben të rinjve', Kryemadhi: Jam gladiatore me taka e jo grua burrë! Ka ardhur koha të shoh prioritete të tjera

27 Prill, 10:18