TIRANË- Nga sot, 695 mijë pensionistë kanë nisur që të marrin shpërblimin për festat e fundvitit. Report Tv me gazetaren Ledina Jakimi, ka pyetur disa pensionistë se si e kanë pritur këtë vendim. Disa kanë deklaruar se janë mjaft të kënaqur me 5 mijë lekë dhe se me të do të blejnë gjelin e detit, por ka pasur edhe të tjerë që kanë qenë të mendimit se mund t’u jepej më shumë, meqë ka pasur një rritje të çmimeve kohët e fundit.
“Pensionet i kemi të ulëta, por mirë, ia vlen. Me mijë lekë, sikur gjelin e detit ta marrim, aq boll. 100 do ishte mirë, por dhe 5 mijë lekë mijë. Nuk mjaftojnë me rritjen e çmimeve, rrofshin kalamajt që na mbajnë”.
“Ju faleminderit që na kanë dhënë, mjaftueshëm si për festa janë. Do i shpenzojmë për gjel deti.”
“Shpërblimi shumë i mirë, do i shpenzojmë për ca na nevojitet”.
“Të marr unë 5 mijë lekë është gjysma e kaposhit, të paktën ishte 20 mijë lekë”.
“S’jemi të kënaqur, po ku do i gjejmë, Shqipëria ka mbaruar. Të ishte pak më tepër, po me 5 mijë lekë, s’ke ca bën, se janë ngritur çmimet”.
“Ka shumë probleme atdheu, mirë është”, tregojnë pensionistët për Report Tv.
Pensionistët nuk duhet të nxitojnë për të marrë shpërblimin, pasi nuk kanë një afat. Astrit Hado, drejtor i Institutit të Sigurimeve Shoqërore i ftuar në ‘Sot lIve në Shqipëri’ me gazetarët Migena Sotiri dhe Nertil Agalliu, tha se shpërblimi do të jepet në të njëjtën ditë që do të ndahet dhe pensioni dhe mund ta tërheqin brenda 3 viteve, prandaj s’kanë nevojë të rrinë në radhë.
“Sivjet bonusi i Vitit të Ri ka nisur që në datën 2 dhjetor, bashkë me pensionin. Nuk ka arsye për të pasur radhë, nuk ka më grafik siç kanë qenë më parë, një pensionist që e ka në datën 10 pensionin, s’ka pse shkon në datën 2 të marrë 5 mijë lekëshin, por të shkojë kur ka ditën e pensionit.
Shpërblimi nuk digjet, nuk kanë pse shpejtojnë se nuk e humbasin, ky bonus u zgjat deri në 3 vjet. Janë rreth 33 mijë veta që e kanë marrë dje pensionin dhe ata mund ta marrim kur të duan, vetëm këto mund të jenë në radhë”, tha Hado.
Një ditë më parë, qeveria mori vendimin për shpërblyer pensionistë. Në total paketa është 4.3 miliardë lekësh të reja, ku 695 mijë pensionistë në mbarë vendin do të marrin shpërblimin prej 5000 mijë lekësh, e ndërsa për 66 mijë pensionistë, që kanë pensione invaliditeti do të akordohen edhe plus 6000 mijë lekë të tjera, para që shkojnë në total 11000 lekë.
Lajme të tjera
-
Rritet çmimi i druve në Pukë, pensionistët në vështirësi: S’mund të sigurojmë ngrohjen, pensionet janë të ulëta
15 Dhjetor, 15:20 -
VENDIMI/ Qeveria ngre Zyrën e Administrimit të Parkut Kombëtar të ‘Lumit të Vjosës’! Drejtor, administratë, logo dhe stemë! Selia në Tepelenë
13 Dhjetor, 22:17 -
VKM/ Shkarkohet drejtoresha e Teatrit të Operas dhe Baletit, Abigeila Voshtina
13 Dhjetor, 19:43 -
Itali/ Grabisnin shtëpitë e pensionistëve italianë, arrestohen 3 ‘skifterët’ shqiptarë! Gjurmonin banesat e të moshuarve
5 Dhjetor, 16:25 -
Qeveria cakton shpërblimet për gardistët: Deri në tre paga plus për ata që shpëtojnë jetën e zyrtarëve të lartë! Deri në 1 mln lekë kompensim në raste dëmtimi të pronës së tyre për shkak të detyrës
4 Dhjetor, 19:07 -
Vendimet e Qeverisë, Ismail Shehu lirohet nga detyra e anëtarit të Këshillit Drejtues të Agjencisë Shtetërore të Kadastrës, e zëvendëson Eduard Ahmeti
4 Dhjetor, 18:42 -
Nis tërheqja e bonusit të fundvitit, e marrin 51 mijë pensionistët e parë
3 Dhjetor, 12:57 -
Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të qershorit 2025
29 Nëntor, 15:28
-
Financim nga shteti për familjet që instalojnë sistemet e ngrohjes dhe ftohjes në banesa! Miratohen 4 skema për panelet, pompat, kaldajat e ngrohjen qendrore
28 Nëntor, 17:37
-
Vendimi i Qeverisë/ Zgjatet afati për shqyrtimin e kërkesave të Startup-eve, nga 10 bëhet 30 ditë!
20 Nëntor, 22:40 -
Vendimi i Këshillit të Ministrave/ Rikonstruksioni i linjës 110 kV Ballsh-Marinëz dhe Ballsh–Drenovë, miratohet fondi për shpronësimin e pronarëve
20 Nëntor, 22:14 -
Fatos Çoçoli: Dy fitoret e para të mëdha për pensionistët
19 Nëntor, 20:05
