POP 5

Lajmet më të lexuara të 5 minutave të fundit

Kronikë

Nisën në Shkollën e Bunavisë 204
fitues, Kodheli: FA, krenari e nder!

Rreth 204 kandidatë fitues për tu rekrutuar në Forcat e Armatosura u përcollën sot në Shkollën e Trupës në Bunavi të Vlorës  në një ceremoni të organizuar në mjediset e garnizonit “Skënderëbej”. Në këtë ceremoni morën pjesë Ministrja e Mbrojtjes, Mimi Kodheli, shefi i Shtabit të Përgjithshëm i FA-së, gjeneralmajor Jeronim Bazo.
TIRANE - Rreth 204 kandidatë fitues për tu rekrutuar në Forcat e Armatosura u përcollën sot në Shkollën e Trupës në Bunavi të Vlorës  në një ceremoni të organizuar në mjediset e garnizonit “Skënderëbej”

Në këtë ceremoni morën pjesë Ministrja e Mbrojtjes, Mimi Kodheli, shefi i Shtabit të Përgjithshëm i FA-së, gjeneralmajor Jeronim Bazo, drejtorë dhe ushtarakë të lartë të Ministrisë së Mbrojtjes dhe Shtabit të Përgjithshëm.

Pas paraqitjes së forcës Ministrja e Mbrojtjes Kodheli përshndeti të gjithë të pranishmit. Ndër të tjera Kodheli theksoi se për herë të parë, në ndryshim nga vitet e kaluara, përzgjedhja e fituesve është bërë përmes një procesi transparent dhe mbi bazën e meritokracisë.

“Ajo pse unë kërkova me insistim që ne të takoheshim sot ka të bëjë më mënyrën që ju u përzgjodhët. Ndryshuam të gjitha praktikat, ndryshoi mënyra, ndryshoi qasja dhe ajo ç’ka ndryshoi më shumë se çdo gjë tjetër ishte transparenca më të cilën ju u përzgjodhët, duke mos i ngrënë hakun askërkujt, sepse ky vend, përveç se ka nevojë për siguri, ka nevojë për drejtësi dhe drejtësia fillon që këtu, nga ky ambient ku ne punojmë e jetojmë çdo ditë. Ju nesër do të jeni ata që drejtësinë do ta mbroni, do ta vini në vend dhe nuk mund të bëni drejtësi në qoftë se drejtësia nuk është bërë më ju që në momentin e parë që hyni për të qenë pjesë aktive e FA.” tha Kodheli

Më tej, ministrja Kodheli, duke u fokusuar në përzgjedhjen që iu bë kontingjentit për rekrut, nënvizoi se, aplikuan mbi 600 të rinj dhe të reja me shkollë të lartë dhe të mesme, prej të cilëve fituan 204 dhe 24 janë me shkollë të lartë, ndërsa 9 janë vajza, të cilat Ministrja Kodheli i përshëndeti në mënyrë të veçantë.

“Keni kaluar një konkurs të fortë, por ju do të vazhdoni të mbeteni pjesë e konkurseve, trajnimeve, konkurencës brenda jush, por në fund mos harroni se shansi që ju jepet për të qenë pjesë e FA është shumë i madh për tu bërë oficer, nënoficer, për të pasur karrierë, për të studiuar brenda dhe jashtë vendit dhe shansi i të gjitha shanseve për t’i shërbyer Republikës së Shqipërisë si askush tjetër”, është shprehur ministrja Kodheli.

Duke folur për karrierën që i pret këta rekrut, znj. Kodheli theksoi se, të qenurit pjesë e FA dhe shërbimi ndaj kombit është një krenari e cila do të shoqërojë karrierën e tyre.

“Do ta kuptoni shumë shpejt që fakti që do t’i shërbeni Shqipërisë, familjeve tuaja, njerëzve tuaj, fëmijëve tuaj nesër është gjëja më e mrekullueshme që mund të ndodh në jetën dhe karrierën e një njeriu. Personalisht e bëj këtë nga një pozicion tjetër, po jam po aq dëshirëplotë për t‘i shërbyer këtij vendi të jashtëzakonshëm, që është shtëpia jonë e përbashkët dhe është vendi më i mirë ku mund të jetohet, Shqipëria. Shumë suksese dhe karrierë të mbarë“, përfundoi fjalën e saj Ministrja e Mbrojtjes Kodheli

Më pas 204 kandidatët fitues u nisën me autobuzë drejt Shkollës së Trupës së FA në Bunavi të Vlorës, ku do t’i nënshtrohen Stërvitjes Individuale Bazë, e cila zgjat 9 javë.

Gjatë muajit shkurt 2015 Qendra e Personel Rekrutimit zhvilloi fazën e parë të Planit të Rekrutimit për vitin 2015 në FA, ku zhvilluan testimet e rreth 600 kandidatëve të regjistruar nga të gjitha rrethet e vendit, nga të cilët fituan 204, prej të cilëve 9 vajza, ndërsa 24 prej tyre me arsim të lartë. Pas tre testimeve, atij fizik, intelektual dhe psikologjik, kandidatët fitues iu nënshtruan edhe testit të gjuhës angleze, i cili u bë me qëllim përzgjedhjen dhe ndjekjen e Kursit të Oficerit që do të zhvillohet në Gardën e Nju Xhersit në SHBA.

fa
Mëhill Fufi
Mëhill Fufi

Redaksia Online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13