Një studente në Irlandë është gjendur në një situatë të pazakontë.

Studentja e cila punonte në një restorant, nuk ka njohur kryeministrin e vendit të saj i cili ka shkuar për të darkuar në restorantin ku ajo punonte.

Studentja duke e pandehur për një klient të zakonshëm, i ka thënë atij të presë derisa të lirohet një vend, pasi ka kërkuar një vend në ambientet e jashtme, por nuk kishte pasur të lirë.

Kolegia e saj e cila e kishte pikasur kryeministrin, por edhe e kishte nuhatur faktin që vajza nuk e njohu se ishte kryeministri vendit, i bën asaj me shenjë duke i treguar që nuk është një klient i zakonshëm.

Pasi mësoi se kishte të bënte me kreun e qeverisë studentja shkroi në “Instagram”: “Ai ishte me të vërtetë i këndshëm dhe nuk u irritua nga fakti që nuk e njohëm”.

Redaksia Online
E.S/ shqiptarja.com