POP 5

Lajmet më të lexuara të 5 minutave të fundit

Opinion

Një diferencë krahasuese midis Sali Berishës dhe Rrahman Rrajës

15 mars 2008, një biznes vdekjeprurës në Gërdec të Tiranës, i të birit të kryeministrit dhe deputetit Sali Berisha, shkaktoi 26 viktima, dhjetëra të plagosur dhe qindra dëme materiale. 15 mars 2008 deri sot e në vazhdim, i biri i ish-kryeministrit dhe deputetit Sali Berisha, nuk u pyet, nuk hetua, e afërmendsh, nuk u dënua kurrë.

Një diferencë krahasuese midis Sali Berishës dhe Rrahman Rrajës

Ish kryeministri, Sali Berisha

15 mars 2008, një biznes vdekjeprurës në Gërdec të Tiranës, i të birit të kryeministrit dhe deputetit Sali Berisha, shkaktoi 26 viktima, dhjetëra të plagosur dhe qindra dëme materiale. 15 mars 2008 deri sot e në vazhdim, i biri i ish-kryeministrit dhe deputetit Sali Berisha, nuk u pyet, nuk hetua, e afërmendsh, nuk u dënua kurrë.

15 mars 2008, ish-kryeministri dhe deputeti Sali Berisha del në konferencë shtypi dhe përpiqet të transformojë ngjarjen për të nxjerrë të pa lagur të birin. 15 mars 2008 deri sot e në vazhdim, pavarësisht pamjeve të shpërthimit dhe fakteve që e lidhnin familjen e tij me ngjarjen, përfshi edhe presionin publik mbi atë që ndodhi, ish-kryeministri dhe deputeti Sali Berisha, nuk dha kurrë dorëheqje për atë tragjedi njerëzore, as si kryeministër e as si deputet, edhe sikur në të mos ishte pleksur fare i biri, por vetëm ministri i tij i Mbrojtjes.

 6 korrik 2023, në Borizanë të Krujës, familjarët e një deputeti socialist, përfshi edhe të birin, ishin pjesë e një sulmi të dhunshëm kundrejt dy kushërinjve, të cilët mbetën të plagosur rëndë dhe fatmirësisht pa pasoja vdekjeprurëse.

7 korrik 2023, personat e përfshirë në ngjarje, arrestohen dhe do gjykohen nga drejtësia. 8 korrik 2023, babai deputet i njërit prej agresorëve, jep dorëheqjen edhe nën trysninë e opinionit publik, pavarësisht se ai nuk kishte asnjë lidhje të drejtpërdrejtë me ngjarjen. 8 korrik 2023, shkrihet i gjithë komisariati Krujë, drejtuesit e të cilit nuk ndoqën në kohë procedurat ligjore. 7 dhe 8 korrik 2023, ish-kryeministri dhe deputeti Sali Berisha, nuk po lë orë të ditës pa bërë moral për ngjarjen e datës 6 korrik duke akuzuar kryeministrin Rama i cili kur ndodhi ngjarja as nuk ndodhej në Shqipëri. Ish-kryeministri dhe deputeti Sali Berisha nuk i vjen as tek maja e thoit Rrahman Rrajës.

Mjafton që të dëgjoni çfarë thoshte Berisha më 15 mars 2008 dhe deklaratën e sotme të deputetit Rraja, për të kuptuar ndryshim kanë me njëri - tjetrin këta 2 politikanë, ndonëse njëri kapi majat e pushtetit politik si president dhe kryeministër, kurse tjetri nuk shkoi më shumë sesa kryetar komune dhe deputet.

P.S. Që mos e lë pa përmendur, më 22 janar 2021, me urdhër politik nga Sali Berisha, drejtuesit e policisë nuk pranonin të zbatonin urdhrin e prokurorisë për të arrestuar vrasësit e 4 demonstruesve në bulevard, sepse sipas tyre, nëse ata do arrestoheshin, do “demoralizoheshin” ushtarët e tjerë të Gardës. Domethënë, demoralizoheshin dhe nuk vrisnin më në të ardhmen me urdhra politik.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • altini: 09/07/2023 15:08

    po bere kete lloj diference ska per tu bere shteti ndonjehere

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46