Stadiumi kombëtar “Air Albania” u bë për disa orë arenë e një fushate zgjedhore për kandidatët e koalicionit “Bashkë fitojmë”. Disa mijë njerëz (por jo më shumë se pesë mijë), të ardhur nga të gjitha qarqet e vendit për të dëgjuar burrat (dhe ndonjë grua) që shpresojnë të zgjidhen kryetarë bashkish, mbushën një të katërtën e vendeve në stadium.
Mes tyre, objektivi i kamerave nuk iu nda fytyrave të ngazëlluara të Sali Berishës dhe Ilir Metës. Pranë këtij të fundit, ngjitur si gjithnjë, diplomati dhe analisti i shquar Agim Nesho.
Ç’simbiozë e përkryer!
Ngjarjen e madhe të kësaj dite për këtë pjesë të opozitës e çeli, si gjithnjë, po ajo, e njëjta grua, emri i së cilës nuk më kujtohet. U ulën në fushë kandidatēt e bashkive periferike. Dhe pritën… Pritën të zbriste ai, më i rëndësishmi nga të gjithë, “kandidati fitues” i bashkisë së kryeqytetit, siç u prezantua ai me një eufori gati histerike.
Dhe ai erdhi, zbriti në fushë me një autobus që lexonte “falas”. Pas kësaj nisi festa.
Festa nisi me shfaqjen e një dokumentari mbi historinë dhe arritjet kolosale të Partisë Demokratike dhe të liderit historik të saj Sali Berisha. Çdo arritje në Shqipërinë e këtyre 32 viteve u tha se është meritë e PD-së; çdo tmerr dhe vuajtje e shqiptarëve u tha se kanë si shkak “Rilindjen” socialiste.
Pas atij dokumentari të pavërtetë fjalën e mori i pari ai, “kandidati fitues” i Tiranës. Na dha shpresë se do ia ndryshojë faqen kryeqytetit tonë. Oh, sa shpresë na dha kandidati i “autobusit falas”.
Pas tij folën me radhë kandidati i Shkodrës, ai i Elbasanit, i Durrësit, i Kukësit, i Lezhës, i Fierit…Foli dhe një pedagoge nga Korça, dekane e një fakulteti të universitetit të atij qyteti, e cila, edhe pse ka botuar “40 artikuj shkencorë”, siç u tha, foli më keq se çdonjëri prej studentëve të mi që s’kanë botuar ende ndonjë artikull.
Të gjithë deklamuan në një mënyrë gati shekspiriane, edhe pse fare pa talent. Me shumë pathos por thuajse pa asnjë ide. Thuajse të gjithë premtuan se do i japin fund “regjimit” dhe do i bëjnë të lumtura jetët e banorëve të qyteteve të tyre aq sa, nëse fitojnë, problemeve që kemi do u shtohet edhe një problem i ri: ç’do bëjmë me gjithë këtë lumturi që do na falin kryebashkiakët e koalicionit Meta-Berisha?
E tërë shfaqja i ngjante një komedie vënë në një skenë të bukur, por me një regji të dobët dhe me aktorë jo profesionistë dhe shumë të dobët. Edhe pse kuptohej lehtë se të gjithë këta aktorë kishin bërë prova një natë më parë (ose edhe netë të tëra), ata, përveçse me zë të lartë deklamativ, lexuan shumë keq ç’kishin shkruar dhe s’thanë asnjëri asgjë që të mund të kapte imagjinatën apo vëmendjen time.
Asnjë ide racionale, asnjë propozim konkret të arsyeshëm, asgjë mbi mënyrat se si do realizohen premtimet e narrativave të tyre boshe.
Por ç’rëndësi kanë këto! Mjaft që festa shkoi mirë. Dhe mesazhi që dhanë të gjithë ata kandidatë ishte i njëjtë: t’i japim fund “regjimit”. Thuajse kanë marrë përsipër të kryejnë një revolucion politik. Revolucionin për të cilin ka kohë që nuk flet më as vetë Sali Berisha.
Më pas foli lideri i Partisë së Lirisë, Ilir Meta.
Histeria me të cilën e nisi fjalimin e tij për një çast më solli ndërmend Duçen duke folur nga ballkoni në Piazza Venezia kur i deklaroi luftë Britanisë së Madhe dhe Francës më 10 qershor 1940. Fatmirësisht, pasi e cilësoi “autobusin falas” të Këlliçit si “shpresën” e Tiranës, Metës i iku zëri, siç me kohë i ka ikur edhe figura, dhe kështu nuk u shpall luftë.
Kur u duk se festës po i qasej fundi, në skenë u ngjit ai, kryeaktori, autori dhe regjisori i shfaqjes, Berisha. Si mund ta linte pa shfrytëzuar këtë ditë ky humbës i madh, të cilit në këtë fushatë nuk i lexohet emri askund! Duke ngatërruar disa herë tekstin që lexonte dhe me një zë që po i fikej, në fjalën e tij të gjatë Berisha tha gjthçka që ka thënë e thotë çdo ditë, pa harruar edhe përmendjen George Soros-it, “armikut më të egër të Shqipërisë”.
Asgjë të re nuk tha Berisha, veç cilësimit të fjalimeve të kandidatëve që folën në atë stadium si një “simfoni” e vërtetë. Të tjerat ishin broçkullat e zakonshme të tij, me të cilat shqiptarëve u janë lodhur veshët dhe trutë për tri dekada me radhë.
Festa e atyre që shpresojnë se
“bashkë fitojnë” ishte, në fakt, një tjetër paralajmërim i humbjes së tyre një muaj më vonë.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
shumica e atyre qe jane ne stadium kane vajtur per te pare stadiunin se nuk e kane pare ndonjehere edhe une po te isha aty do kisha shkuar per ta pare njeher meqe hyrja ka qene free
PërgjigjuPse thua nuk ishin te gezuar, Ina Zhuplla i ndrinte surrati. Gjynah per te gjithe ata te rinje qe nuk dolen dote nga shallvaret e Saliut dhe te benen nje parti te re, shume siperfaqesor paskan qene, kemi pritur shume prej tyre, por paskan qene artificial. Eshte urgjente, kemi shume nevoje per mendje te reja, ide te reja, energji te reja, ku jane??.
PërgjigjuZ.F.Tarifa të falënderoi që shkrove Atë që u folë në ARENA,Pasi unë kur del Sb e mbyll TV.Sidomos kur pash AUTOBUZIN FALAS të Kërriçit mu errët syt.Mu kujtuan disa hajdut që më vodhën disa lekë nga xhepi..!Ata njërz muskëtier i kisha parë disa herë kur udhëtoja Tiranë-Shkollat..ku unë studioja në Akademinë Ushtarake 1964-66. -Shkrimet Tuaja në DITA janë rreze shprese për të ndryshuar politiqënt Shqipëtar që në 32 vite na jan bërë BURRI NËNËS. -Më vjen keq që do duhen vite për të ndryshuar mundësinë berishiste edhe 100 vite pas vdekjes së Tij biologjike..Pasi politikisht ka vdekur me non gratën Amerikane.Escobari Amerikan dje,ja preu biletën përfundimisht se Sb nuk do bëhet kurrë më KM i Shqipërisë.Fatjeqsia qëndron tek Ata që e ndjekin nga pas si VIÇI-LOPËN.FLM
PërgjigjuSi ja u mesoj matematiken Lulashi te gjithe fundrinave.Stadjumi ka nje numer te caktuar venndesh por kjo nuk ka rendsi.Rendsi ka fryma qe eshte ne te gjithe vendin per te zhdukur kete race bastarde qe e Quan veten Rilindas