Llazar Gusho (pseudonimi letrar Lasgush Poradeci), lindi në qytetin e Pogradecit, buzë liqenit të Ohrit, në familjen e Sotir Gushos, me 27 dhjetor 1899. I ati si arsimdashës që ishte, pas mbarimit të shkollës fillore në vendlindje, e dërgoi në Liceun Rumun të Manastirit (1909 deri më 1914).
E la pa mbaruar liceun për shkak të fillimit të luftës së parë botërore. Meqenese vetem Greqia nuk ishte futur në luftën e përbotëshme, i ati e nis në Athinë, ku regjistrohet në Liceun Léonin, (Lice francez i Fretërve Maristë që hapte dyert e gjithe universiteteve të botës) - lice ku qëndroi deri më 1918. Pasi sëmuret, shtohet në sanatoriumin “Sotiria” në Athinë ku qëndron dy vjet (1918-1920).
Më 1920 kthehet në Pogradec dhe në vitin 1921 niset në Bukuresht dhe regjistrohet në Shkollën Kombëtare të Arteve të Bukura duke tejkaluar valën ksenocentrike, që kishte kapluar qeverinë rumune. Atje lidhet me lëvizjen atdhetare të kolonisë shqiptare, dhe miqësohet me Asdrenin, të cilin e zëvendësoi si sekretar i përgjithshëm i kolonisë.
Verën e vitit 1924, Qeveria Nolit i dha bursë dhe ai regjistrohet në Universitetin e Gracit "Karol Francik" në fakultetin e filologjisë romano-gjermanike. Qëndron i shtuar për dy vjet në Sanatoriumin e Neumarktit (1928-1930), Në muajin Maj 1933, mbron doktoraturën dhe merr titullin Profesor Doktor, pranë këtij Universiteti me disertacionin “Eminesku i injoruar dhe lidhja e tij me ideologjinë popullore-vëndase”). Në Graz banon me qira në shtëpinë e zonjës Elisabet Pichler per gati 9 vjet. Kjo shtëpi ishte në rrugën Klosterwiesgasse nr 74. Ndërtesa, një godinë 3 katëshe është edhe sot. Dhoma ku banonte Lasgushi, është në katin e parë dhe penxherja është ngjitur me derën e godinës.
Mbas mbarimit të studimeve kthehet ne atdhe. Me dekret të mbretit Zog emërohet professor i bukurshkrimit të Gjimnazin e Tiranës.
Nën kujdesin e Mitrush Kutelit dhe patriotëve të tjerë shqiptare botohet në Konstancë të Rumanisë në vitin 1933, vëllimi i tij me poezi”Vallja e Yjve” dhe 4 vjet më vonë botohet në Bukuresht vëllimi tjetër “Ylli i zemrës”.
Vitet 1944-'47, vitet e turbulluara të fillimit të regjimit komunist ishte i papunë dhe jetonte në kryeqytet me të shoqen. Pas punësimit jetëshkurtër pranë Institutit të Shkencave, pararendësit të Universitetit të Tiranës, nisi punë si përkthyes me normë pranë shtëpisë botuese shtetërore "Naim Frashëri" deri kur doli në pension më 1974.
.jpg)
Vlerësimet
• Me rastin e 100-vjetorit të lindjes në 27 dhjetor 1999, presidenti i Republikës Rexhep Mejdani i jep titullin "Nderi i Kombit".
• Me rastin e 100 vjetorit të lindjes, Pogradeci, qyteti i tij i lindjes, i jep titullin "Qytetar nderi".
• Me rastin e 100 vjetorit të lindjes, Ministri i Kulturës Edi Rama, i ka dhënë çmimin “Pena e artë”.
• Qarku i Korçës i ka dhënë titullin “Nderi i Qarkut”.
• Pallati i Kulturës në Pogradec, mban emrin Lasgush Poradeci.
• Në lagjen Kombinat në Tiranë ndodhet shkolla "9-vjeçare Lasgush Poradeci".
• Rruga te Diga te Liqeni artificial i Tiranës mban emrin Lasgush Poradeci.
• Në Pogradec, në vitin 2006, në qytetin e tij të lindjes vendoset shtatorja e tij që është 4 metra e lartë, vepër e skulptorit Mumtaz Dhrami.
• Eshtë botuar e gjithë poezia e tij, publicistika, albumi i pikturave si dhe një pjesë e korespondencës së tij të madhe.
• Emrin e tij e mbajne dhe disa shkolla në Kosovë.
• Në 2 maj 2017 arkivi i tij i pasur i dhurohet arkivit te shtetit shqiptar nga vajzat e tij.
Lajme të tjera
-
Lasgush Poradeci, helmi që mbante në dollap nga frika e arrestimit dhe letërkëmbimet e tij
1 Nëntor, 21:13
-
‘T’i shtrydhën trutë putanat’, Kujtimet e panjohura të Lasgush Poradecit për Enver Hoxhën: Kur erdhi nga Parisi, kolegët e tallnin ‘Tutkun’
2 Tetor, 11:22 -
“Zonjushës Musine Kokalari”, zbulohen pjesë nga letërkëmbimi i Lasgush Poradecit me disidenten
8 Qershor, 14:46
-
‘Sipas intrigave të kurdisura nga Shefqet Verlaci, doktor Papajani, ishte larguar nga Elbasani, pasi ra në dashuri, me gruan më të bukur…’/ Historia e mikut të ngushtë të Lasgushit
3 Tetor 2023, 07:20
-
Cilat ishin amanetet e poetit të madh kombëtar, e bija e Lasgush Poradecit rrëfehet në ‘Esencë’: Për babanë u hesht 50 vjet
31 Mars 2023, 20:31 -
Një letërkëmbim i Lasgush Poradecit me Gjergj Pekmezin në vitin 1928
15 Nëntor 2022, 22:51
-
Poradeci, mbledhës i folklorit muzikor e letrar, nga populli e pa censurë! Këngët grarishte erotike e të dashurisë, e bija: Asokohe nuk i botuan
13 Nëntor 2022, 13:29
-
650 titujt e Poradecit i dorëzohen Bibliotekës, e bija: Ishin më shumë, në ’45-ën regjimi i detyroi të grisnin edhe Fishtën! Shënimet e veçanta të poetit
4 Nëntor 2022, 16:29
-
Drejt BE-së si endëset më të mira të pëlhurave
19 Korrik 2022, 10:57
-
122 vjet nga lindja e princit të poezisë, Lasgush Poradeci! Rrëfehet e bija e poetit: Babai për kohën që jetoi nuk u vlerësua! Një vend bëhet kur mendon për kulturë
27 Dhjetor 2021, 17:04
-
Avioni ‘Lasgushi’ ulet në Aeroportin e ri të Kukësit, vajza e Poradecit: Më gufon zemra që çan qiejt e Evropës me emrin e babait tim mbi shpinë dhe sjell vaksina
19 Prill 2021, 10:40 -
Arkivi ekspozon dokumentet origjinale/ Studiuesja prezanton librin 'Musine Kokalari, vetëdija e shkrimit dhe qëndresës'
25 Shkurt 2021, 16:05
