POP 5

Lajmet më të lexuara të 5 minutave të fundit

Opinion

Një Shqipëri PanRamerike në Mesdhe

Tashmë që refreni i pafre ‘referendum-referendum popullor’ pushoi prej rezultatit zgjedhor; tashmë që Partia Demokratike e shndërruar në demonkratike po lufton të nxjerrë demonin jashtë; tashmë që copë-ozitat e tjera partiake u tretën si kripa në detin e humbjes;

Një Shqipëri PanRamerike në Mesdhe

Kryeministri Edi Rama

Tashmë që refreni i pafre ‘referendum-referendum popullor’ pushoi prej rezultatit zgjedhor; tashmë që Partia Demokratike e shndërruar në demonkratike po lufton të nxjerrë demonin jashtë; tashmë që copë-ozitat e tjera partiake u tretën si kripa në detin e humbjes; tashmë që Tirana është më pranë Brukselit se kurrë, ne kemi një panoramë të plotë sidomos pasi është aktivizuar edhe dueti i duhur Amerikë-Spak. Nuk është pak!

Për më tepër që Rama vetëm përsëri nuk humbi por Shqipëria fitoi dhe gjithë opozita përsëri nuk fitoi por populli nuk humbi; ne kemi edhe një silogjizëm politik i cili do ta ndjekë Ramën përderisa i qëndron liderit novator dhe të guximshëm. Lideri i guximshëm është gjithnjë i drejtë. Ai qëndron i vetëm sepse ftimtari qëndron i vetëm. Ndryshe fitorja nuk është plotësisht e pastër dhe plotësisht e madhe. Mirëpo fitorja ishte e madhe sa humbja. Tashmë vërtet, Shqipëria do të dukej bosh pa Edi Ramën.

Kemi hyrë në fazën post tranzicion. E vulosur me votacion. E vjetra duket më e vjetër, e reja më e re. E shkuara më e largët, e ardhmja më e afërt. Dhe padyshim kemi kaluar nga ‘Shqipëria, çdo të bëhet?’ tek ‘Shqipëria, ç’po bëhet?’.
Dhe Shqipëria po bëhet! Po pastrohet politikisht. Jemi në aksionet e para dhe ka mundësi të mos kemi parë asgjë akoma. Po modernizohet në infrastrukturë dhe në imazh. Po fuqizohet në turizëm e bujqësi. Në perustinë gjeopolitike Washington- Bruksel-Stamboll vlojnë projektet dhe përpjekjet zhvillimore.

Shqipëria po bëhet balli i Ballkanit. Populli zgjodhi të vazhdojë me demokracinë dhe ligjshmërinë. Sot kemi një Shqipëri që çdo ditë i ngjanë Europës. Nuk është më një Afrikë e bardhë por një Shqipëri Pan-RAm-erike në Mesdhé.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

Vendimet e Qeverisë/ Vlerësohen me pension të posaçëm shtetëror 15 personalitete nga fusha e artit, kulturës, muzikës dhe sportit! Ja sa do marrin dhe EMRAT

26 Dhjetor, 21:56