Zv/ministrja e Turizmit, Ornela Çuçi është zgjedhur anëtare e Bordit të Fondit të Gjelbër të Klimës. Është hera e parë, që një përfaqësues nga Ballkani ngjitet si anëtar me të drejta të plota dhe të drejtë vote në bordin e GCF, i cili ka një vëllim të përgjithshëm financimi deri në 10 miliardë dollarë.
Çuçi do ta mbajë për dy vite pozicionin e anëtares së bordit prestigjioz, ndërsa prej 2019-s është pjesë e Bordit të GEF (Lehtësirat Globale të Mjedisit) që ka një vëllim të përgjithshëm financimi 32 miliardë dollarë.
“Prej disa muajsh jemi duke punuar ngushtë me kabinetin e Kryeministrit në mënyrë që të nxisim një iniciativë rajonale, të kryesuar nga Shqipëria, për një qasje rajonale në akselerimin e fondeve për vendet e Ballkanit Perëndimor”, shprehet Çuçi pas zgjedhjes në Bordin e Fondit të Gjelbër të Klimës.
Sipas saj, rajoni ofron shumë mundësi për luftën kundër ndryshimit të klimës, por për fat të keq, GCF ishte në gjendje të aprovojë vetëm tre projekte në vendet e Ballkanit Perëndimor deri më tani.
“Rajoni përballet me sfida të shumta për shkak të kapaciteteve të kufizuara institucionale dhe bashkëpunimit. Për më tepër, reagimi i vendeve ndaj efekteve të ndryshimit të klimës është sporadik, i drejtuar nga projekte sporadike dhe jo i bazuar në një qasje rajonale”, thekson Çuçi.
Fondi i Gjelbër i Klimës është i vetmi entitet financiar multilateral, mandati i vetëm i të cilit është t’i shërbejë Konventës së Ndryshimeve Klimatike dhe që synon të sigurojë shuma të barabarta fondesh për zbutjen dhe adaptimin.
GCF është një entitet kryesor operativ nën mekanizmin financiar të Konventës Kuadër të Kombeve të Bashkuara për Ndryshimin e Klimës (UNFCCC) i cili përpiqet të japë një kontribut ambicioz në përpjekjet globale drejt arritjes së qëllimeve të përcaktuara nga bashkësia ndërkombëtare për të luftuar ndryshimin e klimës./ATA.
Lajme të tjera
-
'Amerika vendos', Rudina Hajdari zbulon në Report Tv: Votova për Trump! Do i sillte ndryshim botës! Kadilli: Ka alarm në agjencitë e OKB
5 Nëntor, 22:07 -
Ëndrrat e mia e kanë shtëpinë në Gjirokastër
17 Gusht, 18:31
-
Ndryshimet klimatike, ekspertja në 'Studio Live': Shqipëria preket më shumë se çdo vend i Europës
26 Prill, 18:41 -
Nacionalizmi si epsh parazgjedhor
16 Prill, 11:57
-
Shqipëria përpara dhe e ardhmja e rrezikshme që i vjen pas
21 Maj 2023, 13:28
-
Ekspertja e mjedisit në Report Tv: Shqipëria shumë e prekur nga ndryshimet klimatike! Do përballemi me krizën e ujit
23 Mars 2023, 20:47 -
Vendimi i qeverisë/ Rama shkarkon zv.ministren e Turizmit! Çuçi: Do të jem zë publik për problematikat e turizmit në Shqipëri dhe rajon
9 Gusht 2022, 14:14 -
Ndryshime në qeveri, Rama emëron zëvendësministren e re të Turizmit dhe Mjedisit
29 Tetor 2021, 20:06 -
Open Balkan, mirëqenie patriotike e jo simbolikë nacionaliste
13 Gusht 2021, 11:13
-
Masat anti-COVID për sezonin turistik, zv. ministrja e Turizmit dhe Mjedisit: Shqipëria s’ka protokoll ndryshe nga vendet e BE, ky vit shpresë për turizmin! Shumë plazhe pa roje janë mbyllur
21 Qershor 2021, 17:15 -
Investimet mjedisore në Mesdhe, zv. Ministrja: Për herë të parë do përfitojë një biznes shqiptar! Synohet ulja e emetimit të gazeve në atmosferë
12 Shkurt 2021, 19:05 -
Investimet mjedisore për Mesdheun kalojnë nga Shqipëria
12 Shkurt 2021, 10:11
