Një sipërmarrës shqiptar, që prej katër vjetësh drejton si president skuadrën e Piana degli Albanesi, qytet i banuar nga një komunitet arbëresh në Siçili.
40-vjeçari Evis Troka, ka mbërritur që prej dy dekadash në Itali dhe aktualisht,, bashkë me familjarët e tij merret me biznesin e mobilimit, si dhe përpunimin e kuarcit dhe gres porcelanatit.
Biznesmeni nga Kuçova ndjehet i lumtur për rezultatet e skuadrës “San Giorgio Piana” që ai drejton, dhe që sipas tij është pjesa kryesore e grupit të ekipeve në grupmoshat nga nga U-13 deri në U-19 vjeç.
“Sapo kemi fituar kampionatin përkates të kategorisë Promovuese, duke u ngjitur në Eccellenza (kategoria e fundit diletante) – tha Evis Troka.
Skuadra e komunitetit ka në gjirin e saj jo vetëm arbëreshë, por edhe djem të zonave përreth.
Piana degli Albanesi është një komunë me rreth 5.500 banorë, të cilën vendasit e quajnë Hora Arbëreshe, si pikë referimi për të gjithë arbëreshët e Siçilisë..
Më pas Troka flet për skuadrën dhe motivet që e shtyjnë në këtë sipërmarrje sportive: “Ngjyrat e bluzës “San Giorgio Piana” janë kuq e zi, dhe stema e skuadrës nuk mund të mos ishte shqiponja me dy krerë, qe mbajmë në gjoks si mirënjohës të prejardhjes së arbëreshëve”.
Sipas djaloshit nga Kuçova “Ngjyrat kuq e zi dhe shqiponja me dy krerë që mbajmë në gjoks mbeten motivi për të cilin investoj tek kjo skuadër, sepse mbi të gjitha unë jam shqiptar”.
Evisi nuk i fsheh synimet e tij për ekipin e arbëreshëve që drejton.
“Objektivi personal është që të çoj sa më lart ngjyrat kuq e zi, dhe pse jo në të ardhmen, me ndihmën dhe afrimin e biznesmenëve, patriotëve dhe të apasionuarit e futbollit, të jemi skuadra e vetme shqiptare që militon në futbollin profesionist Italian – shprehet presidenti i San Giorgio Piana.
Ai është i lumtur për rezultatet e futbollistëve shqiptarë në Itali.
“Jam krenar pasi në të ardhmen do të kemi një ekip kombëtar pjesëmarrës dhe kompetitive, edhe në kampionatet e kontinentit apo në atë botëror – tha Evisi.
“Jam shumë optimist dhe i kënaqur me punën dhe ecurinë e kombëtares sonë – shprehet Evis Troka. Shoh shumë cilësi dhe rivalitet në grup, çka rrit konkurrencën dhe nivelin e skuadrës tonë kombëtare”.
Lajme të tjera
-
Gëzim Kabashi: Nuk ka më shumë se dashuria
17 Nëntor, 11:03
-
Skënderbeu në Siçili dhe paranojat e Berishës
3 Shtator, 11:00
-
Brinjarët apo ...gomerët për shtatoren e Skënderbeut
3 Shtator, 10:48
-
Gjergj Kastrioti në Horën e Arbëreshëve, vendoset 536 vjet pas themelimit të qytezës! Shqiptarët bëhen bashkë në përurimin e veprës së Gëzim Muriqit
3 Shtator, 08:53
-
Arbëreshët e Italisë presin Spiropalin, kryetarja e Kuvendit vishet me kostumin tradicional në përurimin e statujës së Skënderbeut
30 Gusht, 21:13 -
Spiropali në Hora të Arbëreshëve: Kolonë nga më të fuqishmet e Rilindjes Kombëtare
30 Gusht, 16:26 -
'Turistë të përgjuar': Pushime nën syrin vigjilent të Sigurimit
12 Gusht, 18:04
-
Plazhi i Durrësit ku koha ka ndalur
12 Korrik, 14:03
-
Dy buste dhe një shtatore e Skënderbeut vendosen në 3 komuna në Kalabri, Begaj-arbëreshëve: Jini ambasadorë të vlerave tuaja
4 Maj, 19:27 -
Presidenti Begaj vijon turin në katundet arbëreshe: Ju falënderoj për ushqimin që i jepni atdhedashurisë
2 Maj, 15:11 -
Itali, presidenti Begaj nis turin e dytë të vizitave në Kozenca të Kalabrisë me komunitetin arbëresh
1 Maj, 09:50 -
Presidenti Begaj nis vizitën zyrtare në Kalabri, do të inagurojë bustin e Skënderbeut në disa komuna
30 Prill, 09:46
