Një virus vdekjeprurës që po përhapet me shpejtësi, a është koronavirusi një pandemi? Çfarë është një pandemi? Ja çfarë thotë shkenca

1582696535_2351357179d846e6bebec0044bbcf8f6.jpg

Përhapja e koronavirusit ka kthyer në qendër të vëmendjes shkencën e sëmundjes, duke shtruar pyetjen se çfarë është saktësisht një pandemi?

Një shpërthim është shfaqja e rasteve të sëmundjeve më të mëdha nga sa pritet normalisht, sipas Organizatës Botërore të Shëndetit.

Një epidemi është më shumë se një numër normal i rasteve të një sëmundjeje, sjellje specifike të lidhura me shëndetin ose ngjarje të tjera të lidhura me shëndetin në një komunitet ose rajon.

Një pandemi përcaktohet si "përhapja në mbarë botën" e një sëmundje të re.

Dr Anthony Fauci, drejtor i Institutit Kombëtar të Alergjisë dhe Sëmundjeve Infektive të  SH.B.A., përmes një interviste të tij tha se nuk ka ndonjë përcaktim shkencor, përfundimtar të asaj që përbën një pandemi.

Ai shtoi se nga mund të ketë argumente të ndryshme nëse shpërthimi i koronavirusit duhet të konsiderohet si një pandemi.

Përsa i përket një përcaktimi të tillë, OBSH në përgjithësi e shmang deklarimin e situatave të shëndetit publik që nuk janë pandemi e gripale si pandemi.

"Ne jemi në një fazë të gatishmërisë për një pandemi të mundshme," tha Mike Ryan, drejtori ekzekutiv i Programit të Emergjencave Shëndetësore të OBSH-së.

"Le të përqëndrohemi në atë që mund të bëjmë dhe çfarë duhet të bëjmë, që është përgatitja. Kur nënkuptojmë përgatitjen, nënkuptojmë përgatitjen për të zbuluar raste, përgatitemi për të trajtuar raste, përgatitemi për të ndjekur kontakte, përgatitemi për të vendosur masa adekuate të përmbajtjes”, është shprehur ndër të tjera ai.


Lajmi kryesor:

I përhapur në 36 vende deri tani, shkon në 2760 numri i viktimave nga koronavirusi, mbi 81 mijë të tjerë të infektuar


b.l./Shqiptarja.com
  • Sondazhi i ditës:

    A duhet të pranojnë institucionet shtetërore ulje të pagave si kontribut për situatën e krijuar nga COVID-19?