POP 5

Lajmet më të lexuara të 5 minutave të fundit

Bota

Një vit nga vdekja e mbretëreshës Elizabeth II, monarkia ende solide

Mbretëria e Bashkuar shënon përvjetorin e parë të vdekjes së mbretëreshës Elizabeth II dhe fillimin e ngritjes në fron të mbretit Charles III.

Mbretëria e Bashkuar shënon përvjetorin e parë të vdekjes së mbretëreshës Elizabeth II dhe fillimin e ngritjes në fron të mbretit Charles III.

Më 8 shtator 2022, mbretëresha Elizabeth II, e cila mbajti fronin për 70 vite, ndërroi jetë gjatë vitit të saj të jubileut të Platintë, viti i 70-të në pushtet, ndërsa po pushonte në Balmoralin e saj të dashur në Skoci.

Ajo ishte 96-vjeçe. Sipas sondazhit, 62% e britanikëve besojnë se Mbretëria e Bashkuar duhet të ruajë monarkinë e saj. Hendeku mes brezave bëhet i dukshëm kur shqyrtohen të dhënat.

Midis 18-24-vjeçarëve, vetëm 37% mbështesin monarkinë, ndërsa 40% preferojnë president shteti të zgjedhur. Grupmoshat më të vjetra mbështesin në masë të madhe monarkinë, ku 80% e moshës mbi 65-vjeç mbrojnë vazhdimin e monarkisë.

Viti i parë i mbretit Charles III në fron është shënuar nga komente të përziera, 59% të britanikëve shprehën miratimin e performancës së tij, ndërsa vetëm 17% besojnë se ai nuk po e bën punën si duhet.

Perceptimi i publikut për monarkun e ri tregon një ndjenjë përgjithësisht pozitive, por gjithashtu pasqyron ndarjen e theksuar të brezave. Grupet më të reja demografike janë më pak entuziastë për mbretërimin e Charles, ndërsa britanikët më të moshuar shprehin mbështetje të fortë.

Ngjitja e Charles në fron shënon ndryshim të rëndësishëm për Mbretërinë e Bashkuar. Elizabeth mori zyrtarisht fronin në vitin 1953, në moshën 25-vjeçare dhe mbretëroi për 70 vite mbresëlënëse, duke e bërë atë monarken më jetëgjatë në historinë britanike.

Mbretërimi i saj zgjati disa dekada, duke e bërë atë një simbol ikonik të stabilitetit dhe qëndrueshmërisë për kombin.

S.S/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vendosi eksploziv në një hotel në Theth, 39-vjeçari: Urdhrin e mora nga burgu

Vendosi eksploziv në një hotel në Theth, 39-vjeçari: Urdhrin e mora nga burgu

12 Janar, 11:50