Një zgjidhje për ndryshimet klimatike? Shkencëtarët zbulojnë planin e diskutueshëm

Spërkatja me kripë 11 milje mbi planetin tonë mund të ngadalësojë ritmin e ngrohjes globale, kanë sugjeruar shkencëtarët. Ky plan i fundit 'gjeo-inxhinierik' mund të ndalë rritjen e temperaturave duke reflektuar më shumë rrezet e diellit, thonë shkencëtarët.

Shpresohet se grimcat e kripës do të reflektojnë energjinë e diellit në hapësirë, duke e ndaluar ngrohjen globale të tokës. Koncepti i çuditshëm bazohet në efektin e ngjashëm të ftohjes së shpërthimeve vullkanike në atmosferë.

Megjithatë, planet e tilla gjeo-inxhinierike nuk janë pa kundërshtime. Disa shkencëtarë paralajmërojnë se ftohja artificialisht për të luftuar ngrohjen globale mund të shkatërrojë planetin tonë nëse procesi është ndalur papritmas. Gjeo-inxhinierët  shohin si një 'plan B' kundër ndryshimeve klimatike, që do të hyjë në fuqi nëse marrëveshjet globale për reduktimin e gazrave serë dështojnë.

LEXO EDHE:
Agjencia e OKB-së për motin ngre alarmin për ngrohjen globale

Ekspertët e mëhershëm kanë sugjeruar një tullumbace gjigante heliumi, madhësia e Stadiumit të Wembley mund të pompojë pikat e sulfateve dhe grimcat e aerosoleve në stratosferë. Një plan tjetër i çuditshëm përfshinte fluturimin e një pasqyre gjigande në hapësirë ​​për të pasqyruar rrezet e diellit, shkruan The Times.

Robert Nelson, një studiues në Institutin e Shkencave Planetare të SHBA propozoi idenë e fundit në një konferencë në Teksas.
Dr Nelson e kuptoi se mund të krijonte njolla të ngjashme të bardha në Tokë duke përdorur klorid natriumi, ose kripë të zakonshme të tryezës. Ai tha se kripa e tavolinës nese spërkatet në troposferën e sipërme do ta bënte atmosferën më të bardhë dhe nuk do të ndikonte negativisht në sistemet e motit. Ai beson se kjo do të ishte substanca më e gatshme, e sigurt dhe reflektuese për këtë punë.

Ai gjithashtu shqyrtoi mundësinë e përdorimit të oksidit të aluminit dhe dioksidit të squfurit të cilat kanë qenë të lidhura me shkaktimin e sëmundjeve të mushkërive dhe shiut acid.
Robert Nelson propozoi testimin e hipotezës së tij mbi një zonë që pritet të ndikohet keq nga ndryshimet klimatike.

Ndërsa rezultatet e hulumtimeve tona janë shumë premtuese, ne jemi në fillim të hulumtimit dhe punës shtesë që nevojitet për të kuptuar se deri në ç'masë efektet e hipotezuara në atmosferë mund të realizohen. Edhe nëse do të ishte e suksesshme, kjo do të ishte një zgjidhje paliative, jo një zgjidhje përfundimtare.

Robert Nelson, studiues në Institutin e Shkencave Planetare të SHBA

Megjithatë, Matthew Watson, një ekspert i gjeo-inxhinierisë në Universitetin e Bristol, ka paralajmëruar se klori mund të thyejë shtresën e ozonit si klorofluorokarbonet.

Kripa gjithashtu mund të prishë formimin e reve, paralajmëroi ai.

(Plani skicë gjeo-inxhinierik i skpërkatjes së atmosferës me kripë)

TAG:
• robert nelson
• ngrohja globale

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72%

• Nuk e di

  8.8%

Vota total: 2380

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di