POP 5

Lajmet më të lexuara të 5 minutave të fundit

Kronikë

Njëri i dënuar me 20 muaj burg për shitje droge dhe tjetri me masë arresti për goditje për shkak të detyrës, 2 të arrestuar në Vlorë dhe Sarandë

Policia e Vlorës njoftoi se ka arrestuar një 22-vjeçar të dënuar me rreth dy vite burgim për shpërndarje droge në qytetin bregdetar, si dhe ekzekutoi masën e sigurisë “arrest me burg” për një 33-vjeçar në Sarandë, të akuzuar për kallëzim të rremë dhe goditje për shkak të detyrës

Njëri i dënuar me 20 muaj burg për shitje droge dhe tjetri me masë arresti për goditje për shkak të detyrës, 2 të arrestuar në Vlorë dhe Sarandë

Foto ilustruese

Vlorë- Policia e Vlorës njoftoi sot (27 Nëntor) se ka arrestuar një 22-vjeçar të dënuar me rreth dy vite burgim për shpërndarje droge në qytetin bregdetar, si dhe ekzekutoi masën e sigurisë “arrest me burg” për një 33-vjeçar në Sarandë, të akuzuar për kallëzim të rremë dhe goditje për shkak të detyrës. 

Operacioni i parë u krye nga specialistët e Sektorit për Hetimin e Narkotikëve dhe shërbimet e Forcës Operacionale, bazuar në informacionet e siguruara në rrugë operative.

“Si rezultat i kontrolleve, u bë e mundur kapja dhe ndalimi i shtetasit D. M., 22 vjeç, banues në Vlorë. Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Vlorë e ka dënuar me 20 muaj burgim, për veprën penale “prodhimi dhe shitja e narkotikëve”, thuhet në njoftimin zyrtar të policisë vendore.   

Kurse aksioni tjetër është kryer nga Policia e Sarandës, që tha se ekzekutoi masën e sigurisë “arrest në burg” për shtetasin M. A., 33 vjeç, i dyshuar për veprat penale “kallëzim i rremë” dhe “goditje për shkak të detyrës”.

Për të dy rastet materialet procedurale i kaluan Prokurorive, për veprime të mëtejshme.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

Grupi i deputetëve italianë përfundon vizitën në Shqipëri: Krah jush drejt BE-së! Përfshihuni në debatet brenda unionit

27 Nëntor, 17:40 nga Arlind Isa