Receta

Njoki me gorgonzola dhe krem kungulli nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 21 Nëntor 2023, 11:51 | Përditesimi: 21 Nëntor 2023, 11:53

Njoki me gorgonzola dhe krem kungulli

Përbërësit:

400 gr njoki
150 gr djathë gorgonzola
200 gr kungull
100 ml pana
1 mollë
1 qepë
Kripë, piper
Vaj ulliri ekstra i virgjër

Përgatitja:

LEXO EDHE:
Pulë me oriz në furrë nga zonja Albana

Pastrojmë kungullin dhe e presim për së gjati, Më pas pastrojmë qepën dhe e presim në feta mjaft të holla dhe e vendosim në një tigan me pak vaj ulliri. Kur qepa të ketë marrë ngjyrë të artë, shtojmë kungullin dhe një garuzhde me ujë dhe e lëmë të gatuhet për rreth 25 minuta. Më pas vazhdojmë me përgatitjen e kremit gorgonzola. Largojmë pjesët anësore të djathit gorgonzola, e presim në kubikë dhe e vendosim në zjarr mesatar ku shtojmë panën. E trazojmë derisa të shkrijë dhe të bëhet masë kremoze.

Vendosim ujë të vlojë në një tenxhre me pak kripë, dhe sapo të marrë valë hedhim njokit dhe i lëmë të ziejnë për afërsisht 7 minuta. Ndërkohë përziejmë kungullin me një blender dhe përgatisim garniturën me mollë të prerë në feta të holla. Kullojmë njokit dhe i kaurdisim në tigan me kremin gorgonzola, që të përzihen mirë dhe të aromatizohen. E servirim duke vendosur fillimisht kremin e nxehtë të kungujve, më pas njokit me kremin gorgonzola dhe në fund e dekorojmë pjatën me feta të holla molle.

MC/Shqiptarja.com

TAG: