POP 5

Lajmet më të lexuara të 5 minutave të fundit

Sport

Nora Gjakova fiton medalje të artë për Kosovën, Distria Krasniqi e dyta në xhudo

Kampionia Olimpike e Xhudos, Nora Gjakova ka fituar medaljen e artë në Grand Slamin e Bakusë. Xhudistja nga Kosova në finale mundi Eteri Liparteliani e Gjeorgjisë, për peshë  deri në 57 kg, duke marrë edhe 1000 pikë olimpike.

Nora Gjakova fiton medalje të artë për Kosovën, Distria Krasniqi e dyta në xhudo

Nora Gjakova dhe Distria Krasniqi

Azerbajxhan - Kampionia Olimpike e Xhudos, Nora Gjakova ka fituar medaljen e artë në Grand Slamin e Bakusë. Xhudistja nga Kosova në finale mundi Eteri Liparteliani e Gjeorgjisë, për peshë  deri në 57 kg, duke marrë edhe 1000 pikë olimpike.

Nora Gjakova ka shkëlqyer në Grand Slam dhe ka siguruar medaljen e artë, fillimisht duke triumfuar ndaj polakes Arleta Podolak, pastaj mposhti gjermanen Seija Ballhaus, arriti fitore edhe me Priscilla Gneton e Francës dhe në gjysmëfinale nuk e pati vështirë as me turken Hasret Bozkurt. Gjakova garoi në kategorinë deri në 57 kilogramë.

Nora Gjakova

Nga ana tjetër, Distria Krasniqi ka fituar medaljen e argjendtë në Grand Slamin e xhudos po në Baku. Xhudistja shqiptare nga Kosova e filloi mirë, pasi mposhti brazilianen Jessica Pereira, marokenen Soumiya Iraoui, ndërsa në gjysmëfinale i’a mori fitoren medalistes olimpike Odette Giuffirida, teksa pësoi humbje në finale, nga japonezja, Kisumi Omori. Krasniqi ka arkëtuar 700 pikë olimpike dhe ka garuar në kategorinë deri në 52 kilogramë.

Distria Krasniqi

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Lezhës, PS përmbys rezultatin dhe merr 4 mandate deputetësh

Sondazhi i Lezhës, PS përmbys rezultatin dhe merr 4 mandate deputetësh

25 Dhjetor, 22:12