POP 5

Lajmet më të lexuara të 5 minutave të fundit

Ekonomi

Normat e larta të interesit vënë në rrezik uljen e borxhit në 2024! Rritja e normës bazë të interesit shtrenjton kreditë

Rritja e normave të interesit rrezikon uljen e parashikuar të borxhit publik. Në relacionin e projektbuxhetit për vitin 2024 thuhet se borxhi do të zbresë në 59.8% të Prodhimit të Brendshëm Bruto, por nëse rriten normat e interesit situata mund të përkeqësohet. Për vitin 2024 borxhi publik pritet të jetë 14.3 miliardë euro.

Borxhi publik në vitin 2024 do të ulet me 1.7%, nga 61.5% e Prodhimit të Brendshëm Bruto. Ministria e Financave thotë se do të zbresë në 59.8%.

Në total vlera e borxhin për vitin që po vjen është përllogaritur 14.3 miliardë euro, vlerë kjo që mund të ndryshojë pasi nuk janë marrë në konsideratë luhatjet në kursin e këmbimit si dhe rritja e normave të interesit, që po aplikohet nga bankat për të mbajtur në kontroll inflacionin.

Në relacionin e projektbuxhetit thuhet se rritja e normave të interesit përbën rrezik për uljen e borxhit pasi do të sillte rritje të shpenzimeve për të shlyer detyrimet.

“Rritja afatgjatë e normave të interesit të tregut referencë do të përbënte një ndikim të rëndësishëm për financat publike duke rritur më tej zërin e shpenzimeve për interesa, dhe rrjedhimisht do të gjeneronte një rritje të borxhit”, thuhet në relacion.

Në buxhetin e vitit 2024 fondet e planifikuara për rreziqet e borxhit janë 5.3 miliardë lekë që mund të përdoret për të kompensuar rreziqe nga luhatjet në kurset e këmbimit ose normat e interesit.

Rreziku i normave të interesit është i lartë, për shkak se edhe banka e Shqipërisë po e rrit normën bazë për të mbajtur nën kontroll inflacionin e lartë. Kjo lëvizje e Bankës qendrore shtrenjton lekun, si dhe rrit kostot e kthimit të kredive.

Ndërkohë për vitin që vjen nuk është parashikuar as dalje në tregjet e huaja për të emetuar eurobond, por sipas Ministrisë së Financave nevojat që mund të lindin do të mbulohen nga huamarrja në tregun e brendshëm.

BORXHI PUBLIK NË RAPORT ME PBB

Viti 2023           61.5 %

Viti 2024           59.8 %

Ulja                   -1.7%

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12