POP 5

Lajmet më të lexuara të 5 minutave të fundit

'Nuk dua fytyra të relaksuara', Shehi: E bukur në festojmë kundër Teutës! Gega sinjale lamtumire nga Skënderbeu në fund të sezonit

Të mërkurën Tiranës do t’i mjaftojë një fitore kundër Teutës për t’u shpallur kampione e Shqipërisë. Bardheblutë mund të festojnë edhe nëse Laçi nuk fiton me Egnatian, ndërsa po të mërkurën luhet edhe Skënderbeu-Kastrioti, me trajnerin e korçarëve Gega që ka dhënë mesazhe lamtumirë pas fundit të sezonit.

Një fitore larg titullit kampion në Superligë është Tirana. Për të përmbushur misionin bardheblutë do kenë mundësi të mërkurën, pasi në orën 16:45 do përballen me Teutën në stadiumin ‘Selman Stërmasi’, e vlefshme për javën e 32 të kampionatit.

“Është e vërtetë që nuk jemi aty ku duhet sa i përket grintës dhe dëshirës. Shpresoj që nesër të na rikthehen këto cilësi. Nesër mos të jenë fytyra të relaksuara, por me uri për t’u rikthyer te fitorja sepse është hera e parë që këtë kampionat pësojmë dy humbje rradhazi,”-u shpreh Orges Shehi, trajner i Tiranës.

Shansin për të festuar titullin numër 26 Tirana e ka me Teutën, skuadrën kampione në fuqi.

“Shpresojmë dhe do zoti që të kemi edhe fatin sepse është diçka e bukur nëqoftëse arrijmë ta fitojmë titullin përballë skuadrës kampione,”-deklaroi Orges Shehi, trajner i Tiranës.

Po të mërkurën luhet Skënderbeu-Kastrioti, me korçarët që tani janë pothuajse të rënë. Edhe trajneri Gega ka lëshuar mesazhe lamtumire në fund të sezonit.

“Do ulem të bisedoj me residentin Takaj shumë sinqerisht, sepse unë erdha për Superligën. Megjithatë jam kënaqur me këtë lloj ambienti, me punën pavarësisht se vazhdojmë të marrim kritika për situatën,”-tha Skënder Gega, trajner i Skënderbeut.

Ne.k./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

14 Mars, 22:55 nga Ferdinand Dervishi