Po shkruaj këto radhë pasi kam marrë një nga lajmet më të bukura të jetës sime: sot babai im i dashur e kaloi me sukses operacionin dhe doktori nga ana tjetër e telefonit më shpjegoi se rreziku tashmë është në mos zero, shumë afër zeros. Eshtë në Itali, tek vëllai, dhe prej 3 muajsh nuk shihemi e nuk pimë kafen e ditës bashkë.
Por kjo e enjte, ndryshe nga unë, nuk ka qenë e gëzuar për familjen e një punëtori 63 vjeçar që humbi jetën ndërsa punonte në Tiranë. Një familje e tërë nuk do të jetojë, nuk do të takojë, të dëgjojë, të pijë kafen e ditës me njeriun e dashur. Dita nisi me tragjedinë e Beratit, një 75 vjeçar me dy nipërit e tij humbi jetën duke pastruar pusin nga ku merrnin ujin. Sa familje janë ku e mira nuk ulet prej kohësh në tavolinat e tyre?
E ndërsa shumë përballen përditë me të mirat e të këqijat e jetës, me rëndesën e gjendjes së të gjithëve pas pandemisë, janë shumë të tjerë që i ushqejnë me zhdërvjelltësi e falsitet “gjëmat”. Sidomos urrejtjen. Sajojnë, krijojnë, shtojnë, heqin, manipulojnë me të vetmin qëllim: të shumëfishojnë të keqen, sikur ajo të mos mjaftonte me atë që vjen natyrshëm nga fati i mirë apo i keq i rastësisë.
Niveli i evolucionit për secilin prej nesh është shumë i ndryshëm; dikush ka dritën e mjaftueshme për të parë më qartë, e dikush ndodhet ende në epokën e qiriut të zbehtë. “Nëse zhdukim injorancën, - do të shkruante një njeri i mençur, - zhdukim dhe të keqen”. “Nëse korrigjon një idiot,- shkruan një tjetër, - do të të urrejë gjithë jetën. Nëse korrigjon një të zgjuar, do të të jetë mirënjohës gjithmonë”. Mesa duket, në të përditshmen tonë, duhet të ecim si në një fushë të minuar ku disa janë përqëndruar të shijojnë familjen, punën e bukuritë e jetës; të tjerë, të vetëshpërthejnë plot helm. Por në kohë të vështira, kush nuk është si familja e punëtorit të vrarë, kush nuk humb jetën e të afërmit duke hapur pusin për ujë, e ka luksin të qajë e të shajë edhe më fort se ata që vuajnë vërtetë për shëndetin, dinjitetin, lirinë dhe bukën e gojës? Zhurma e bërë prej tyre, dobëson vuajtjen e vërtetë të shumë njerezve që meritojnë vëmendje.
Komente
Lajme të tjera
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Alba Malltezi: Ja pse është kaq tragjikisht i vërtetë Gent Pjetri
17 Tetor 2022, 19:29
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
-
Ambasadorja Yuri Kim, si të ishte ndër shqiptaret më të mira
23 Nëntor 2021, 09:23
-
Dhuna, si një re e zezë e grumbulluar, qëndron mbi ne
11 Shtator 2021, 10:11
-
Epilogu i një sezoni/Kur një tropojan bën makaronat më të mira në bregdet
6 Shtator 2021, 16:32
-
Jeta na mësoi të dallojmë një gjyq demode' popullor, nga debati me fakte e logjikë
3 Shtator 2021, 09:17
-
Nuk mund të zhduket një energji si ajo e PD. Eshtë vetëm fillimi i transformimit…
29 Gusht 2021, 12:17
Ekselente
Përgjigju