"Nuk i komandoj dot, është shembull jete", Erjona Sulejmani përlotet për njeriun e shtrenjtë në emision (Video)

Erjona Sulejmani është përfolur gjithmonë për deklaratat e saj bombastike që bën në rrjetet sociale dhe në emisionet ku ftohet. Modelja shqiptare është e njohur si ish-bashkëshortja e futbollistit shqiptar Blerim Xhemaili, me të cilin ka edhe një djalë të vogël.

E ftuar në emisionin "Pasditja ime" me Eraldo Rexhon, Erjona u përlot teksa fliste për personin e saj më të shtrenjtë që ka që është nëna e saj. Modelja u shpreh se janë lot gëzimi që nuk i komandon dot pasi nëna e saj ka qenë një heroinë për të dhe se i ka qëndruar gjithmonë pranë në çdo vendim që ka marrë në jetën e saj.

"Mamaja ime është gjithçka për mua. Është heroina ime. Kur je fëmijë i vogël, ke gjithmonë një pikë ku thua 'Kam për të arritur' ose një person që thua 'Kam për tu bërë'. Zakonisht fëmijët e vegjël thonë do të bëhem superman, unë kam thënë gjithmonë dua të jem si mamaja ime. Më ka mbështetur gjithmonë dhe ndaj çdo gjë me të,”- rrëfeu Sulejmani mes lotësh.

Me tej bukuroshja shkodrane foli edhe për eksperiencën e saj në “Temptation island vip”, për të cilën u shpreh se ishte një eksperiencë e mrekullueshme dhe e domosdoshme për të, për të njohur veten.

TAG:
• Blerim Xhemaili
• erjona sulejmani