POP 5

Lajmet më të lexuara të 5 minutave të fundit

Politikë

Lajme nga emisionet

Nuk i tha Kim përse mbështet ‘non gratën’? Koti-Shalsit: Gënjen! I kam dhënë përgjigje ambasadores! S’ia dole të çoje vëmendjen te Berisha

Sorina Koti reagoi live në Report Tv duke thënë se nuk ka hezituar t’i përgjigjet pyetjeve të Yuri Kim gjatë takimeve që patën ndërsa theksoi se nuk u fol në asnjë moment për Berishën. Reagimi erdhi pas akuzës së Shalsit se nu kia mbajti të tregonte përse mbështet Rithemelimin.

“E pavërtetë që nuk i jam përgjigjur ambasadores Yuri Kim”. Kjo është përgjigja e deputetes së PD Sorina Koti për Eduard Shalsin, me të cilin pati përplasje në distancë për cështjen e Sali berishës 'non grata'.  

Në një intervistë për ‘Studio Live’ me gazetarin Arbër Hitaj, Koti tha se gjatë takimit që mbajtën me ambasadoren e SHBA, Shalsi u përpoq të shpërqendronte fokusin e bisedës nga problemet e ekonomisë për ta çuar te Sali Berisha, por nuk ia doli. Ajo shtoi se në asnjë moment nuk është përmendur emri i Sali Berishës apo i problemeve brenda Partisë Demokratike.

“Dua të bëj me dije që takimi ka qenë institucional mes Komisionit të Ekonomisë dhe ambasadës amerikane dhe në asnjë moment nuk është përmendur emri i Berishës apo problemeve të brendshme në PD.

Ka pasur tentativë nga Shalsi për të hapur çështjen e Berishës apo problemet tona të brendshme, por nuk ka gjetur një përgjigje qoftë nga ambasadorja apo unë. Është e pavërtetë që ambasadorja ka bërë pyetje e s’ka marrë përgjigje por ka qenë tentativë e Shalsit për ta hequr vëmendjen nga problemet e ekonomisë duke e çuar tek Berisha”, tha Koti.

Por në reagimin e saj pas takimit me Yuri Kim, Koti tha se i bëri të qartë ambasadores se qeveria mban peshën më të madhe për reformat ndërsa opozita është denoncuese dhe është në terren me qytetarët. Gjithashtu, si deputete e Rithemelimit theksoi rëndësinë e bashkëpunimit me ndërkombëtarëtm, por nuk bëri asnjë koment për Berishën. Pas kësaj, kryetari i Komisionit të Ekonomisë deklaroi jashtë kryesisë së Kuvendit se Koti nuk e gjeti kurajon që t’i thojë ambasadores së SHBA përse mbështet Sali Berishën, të cilit nuk i përmend emrin por i referohet vetëm si ‘non grata’. 

Përplasjet mes Kotit dhe Shalsit vijnë pasi ambasadorja amerikane Yuri Kim po zhvillon takime me krerët e komisioneve parlamentare. Ditën e sotme u ndal te Komisioni i Ekonomisë dhe zhvilloi bisedë me kryetarin e nënkryetaren. Fokusi i bisedave ishte mbështetja financinare për reformat.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Kompanitë në proces të rikthimit, pas avarisë teknologjike

Kompanitë në proces të rikthimit, pas avarisë teknologjike

22 Korrik, 15:11