‘Nuk prisja të qaja’, Ronaldo me lot në sy në emisionin televiziv: Nuk e njoha kurrë 100% babain tim (VIDEO)

Në të shumtat e rasteve për personazhet që arrijnë majat thuhet se kanë patur një të kaluarë të vështirë dhe në këtë kategori padiskutim bën pjesë edhe Cristiano Ronaldo. Futbollisti i Juventusit për t’u bërë ky që është nuk ka patur mbështetjen e babait dhe mundësitë financiare kanë qenë të vogla.

Së fundmi portugezi ka qenë i ftuar në një emision televiziv në Angli ku një video e shfaqur për të kaluarën e ka bërë të qajë. Bëhet fjalë për disa pamje në të cilën shfaqet babai i Ronaldos një vit para se të ndërronte jetë, duke folur për arritjet e birit të tij.

Pamje këto, të cilat i kanë mbushur Ronaldo sytë me lot, ndërkohë që ai është shprehur: “Mendoja se intervista do të ishte për të qeshur dhe jo për të qarë. Nuk i kam parë kurrë këto pamje, nuk e di se ku i keni marrë. Duhet t’i kem edhe unë për t’ia treguar familjes time. Unë kurrë nuk e njoha 100 % babait tim, ai ishte një person i alkoolizuar. Kurrë nuk kam bërë me të një bisedë normale, ishte e vështirë.”

Fjalët e babait të Ronaldos janë thënë në një kohë kur ylli i Juventusit ishte vetëm 20 vjeç. Jose Dinis Aveiro në këtë mënyrë humbi një pjesë të madhe të arritjeve të të birit, i cili për këtë pjesë ka deklaruar: ‘të jesh numri 1 dhe ai nuk ka parë asgjë. Nuk ka parë as çmimet e mija, nuk ka parë këtë që unë jam tani.”

Në intervistën për moderatorin Piers Morgan Ronaldo pranoi se ndihej i turpëruar para familjes për akuzat që iu bënë për përdhunim. Ai shprehet se i është dashur të ndërrojë stacionin e televizorit kur dëgjoheshin akuzat e rënda, të cilat më vonë rezultuan të pavërteta.

Ne.k./b.ha./Shqiptarja.com

TAG:
• cristiano ronaldo