Nuk respektoi masat anti-COVID, gjobitet pronari i lokalit në Korçë, mbante biznesin hapur gjatë orës policore

Nuk respektoi masat anti-COVID, gjobitet pronari i lokalit në Korçë, mbante biznesin hapur gjatë orës policore

Foto ilustruese

Pronari i një lokali në qytetin e Korçës është gjobitur nga policia pasi u konstatua duke vijuar aktivitetin gjatë orës policore.

Mësohet se H.Q., është gjobitur me 1 milionë lekë, sepse nuk zbatoi masat anti-COVID të cilat janë ende në fuqi.

Njoftimi i Policisë
Vijojnë kontrollet për monitorimin e zbatimit të masave kufizuese, me qëllim parandalimin e përhapjes së COVID-19. Evidentohet dhe ndëshkohet 1 subjekt tjetër në qytetin e Korçës, i cili u konstatua duke ushtruar aktivitetin në kundërshtim me Aktin Normativ.

Shërbimet e Komisariatit të Policisë Korçë, në vijim të kontrolleve të ushtruara në subjekte të ndryshme, me qëllim respektimin e fashës orare dhe për të monitoruar protokollet e sigurisë, në lagjen nr. 9, Korçë, kanë konstatuar të hapur lokalin me administrator shtetasin H. Q., i cili po ushtronte aktivitetin pas orarit të lejuar.

Për subjektin në fjalë, u plotësua akti i konstatimit në bazë të Aktit Normativ nr. 3, datë 15.03.2020, Neni 3, pika 7, i cili parashikon ndëshkimin me gjobë në masën 1 000 000 (një milion) lekë.

Policia apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet