Kompania “Armo” prej vitesh nuk shlyen detyrimet e saj karshi komunës Qendër në rrethin e Ballshit, në territorin e së cilës ushtron aktivitetin.

Debia e akumuluar ka shkuar në mbi 300 milionë lekë të reja, ndërsa nisur nga kjo situatë, drejtuesit e komunës kërcënojnë se do sekuestrojnë asetet materiale të  kësaj kompanie.

Kryekomunari, Agron Kapllanaj, thotë se kanë nisur procedurat ligjore edhe  për bllokimin e  llogarive bankarë të kompanisë në fjale.

Kapllanaj ndër të tjera i bën apel edhe instancave përgjegjëse të ndihmojnë në zgjidhjen e këtij rasti.



Redaksia Online
(g.f/shqiptarja.com)