NYT: Dorëhiqet kryebashkiaku
i dënuar me të kaluar kriminale

Një kryebashkiak shqiptar ka dhënë dorëheqjen për shkak të dënimit të tij për një sherr në fillim të viteve 1990” kështu shkruan prestigjiozja amerikane “New York Times” duke i kushtuar pak rreshta kryebashkiakut të Kavajës, Elvis Rroshi.

“ Roshi besohet të jetë viktima e parë e një ligji të miratuar 5 muaj më parë për bllokimin e personave me precedentë penalë në poste publike. Elvis Roshi, kryebashkiak i Kavajës, tha këtë të martë se jepte dorëheqjen pasi kishte zbuluar se ishte dënuar pas një sherri në një kamp refugjatësh në Itali në moshën 16-vjeçare. Ai u shpreh se nuk ishte dërguar në gjykatë në atë kohë dhe se nuk kishte vuajtuar asnjë dënim” – shkruan New York Times.

Më tej në shkrim thuhet se ligji konsiderohet si një mjet i rëndësishëm në luftën kundër korrupsionit, pasi ky i fundit është pengesa më e madhe e Shqipërisë për t’u bërë pjesë e Bashkimit Europian.

Gazeta amerikane citon edhe vendimin e KQZ-së e cila këtë të martë u ndërpreu mandatin 18 anëtarëve të këshillave bashkiakë. “Ligji që u miratua në mes të dhjetorit u konsiderua kyç në luftën kundër korrupsionit që është bërë pengesë në rrugën e integrimit” – e mbyll e përditshmja.

Redaksia Online 
(e.m/shqiptarja.com)

TAG:
• kqz