POP 5

Lajmet më të lexuara të 5 minutave të fundit

Arkiva

Obama në Paris, vendos lule në nder
të viktimave të sulmeve në Bataclan

Presidenti i Shteteve të Bashkuara të Amerikës, Barak Obama ka vizituar teatrin e Bataclanit, menjëherë pas mbërritjes në Paris, ku do të marrë pjesë në samitin global mbi ndryshimet klimatike. I shoqëruar nga presidenti francez Francois Hollande dhe Kryetari i Bashkisë së Parisit Anne Hidalgo, Obama vuri një trëndafil të bardhë, në vendin ku humbën ku 90 persona nga sulmet terroriste të 13 nëntorit.
Presidenti i Shteteve të Bashkuara të Amerikës, Barak Obama ka vizituar teatrin e Bataclanit, menjëherë pas mbërritjes në Paris, ku do të marrë pjesë në samitin global mbi ndryshimet klimatike.

I shoqëruar nga presidenti francez Francois Hollande dhe Kryetari i Bashkisë së Parisit Anne Hidalgo, Obama vuri një trëndafil të bardhë, në vendin ku humbën ku 90 persona nga sulmet terroriste të 13 nëntorit.

obama

Autokolona e zotit Obama shkoi direkt në Bataclan menjëherë pasi presidenti amerikan mbërriti në aeroportin Orly. Pas vendosjes së trëndafilit, Obama qëndroi në heshtje teksa u përul në shenjë respekti ndaj viktimave.  

Afro 150 udhëheqës botërorë do të jenë sot në Paris, nën masa tepër të rrepta sigurie, për të zhvilluar takime në kuadrin e samitit të Kombeve të Bashkuara për ndryshimet klimatike.

COP21 është konferenca globale për Ndryshimet Klimatike, e cila nis punimet këtë të hënë në Paris. Më shumë se 190 kombe do të bëhen bashkë për të diskutuar  mbi një marrëveshje të mundshme globale, e cila synon të reduktojë emetimin e gazrave serë në atmosferë, duke shmangur kërcënimin që vjen nga ngrohja globale.

Gjatë kësaj, konference, punimet e së cilës do të drejtohen nga Franca priten të merren një sërë vendimesh të rëndësishme mbi ndryshimet kilmatike. Sipas BBC-së, vendet më të varfra të botës, janë të frikësuar se mund të “harrohen”, nga nxitimi për të arritur një marrëveshje.

Nën një plan të quajtur “Misioni inovativ”, një grup prej 20 vendesh, përfshirë Shtetet e Bashkuara, Franca dhe India, do të kërkojnë të dyfishojnë investimet e tyre për çështjet e energjisë së pastër gjatë 5 viteve.

Po ashtu, pjesë e këtij plani mendohet se do të jenë edhe disa sipërmarrës botërorë, si Bill gates dhe themeluesi i Facebook Mark Zuckerberg. 

Redaksia Online
(u.s/shqiptarja.com)
 
 

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50