Të rinjtë që janë mbipeshë ose obezë kanë më shumë gjasa të jenë mbipeshë ose obezë edhe në moshë të rritur (24 vjeç), duke rritur riskun e tyre për sëmundje apo paaftësi gjatë jetës. Është ky përfundimi i një grupi ekspertësh të huaj të cilët kanë studiuar obezitetin në vendin tonë.

Sipas studimit shifrat tregojnë se në nivel global, në vitin 2010, rreth 43 milionë fëmijë të moshës parashkollore (nën 5 vjeç) ishin mbipeshë ose obezë, duke u karakterizuar nga një rritje e kësaj shifre prej 60%, e krahasuar me shifrat para vitit 1990. Problemi ndeshet si në vendet e pasura edhe në vendet e varfra.