POP 5

Lajmet më të lexuara të 5 minutave të fundit

Bota

OBSH: Bota po dështon në furnizimin me vaksina kundër COVID

Drejtori i Përgjithshëm i OBSH-së, Tedros Adhanom Ghebreyesus, tha se situata në Afrikë është po aq e rrezikshme sa përhapja në gjithë globin e variantit më ngjitës, Delta. Javën e kaluar në Afrikë është regjistruar një rritje prej 40 për qind e numrit të të infektuarve dhe vdekjeve krahasuar me një javë më herët.

OBSH: Bota po dështon në furnizimin me vaksina kundër COVID

Foto ilustruese

Organizata Botërore e Shëndetësisë (OBSH) tha se në vendet e varfra ka mungesë të madhe të vaksinave kundër koronavirusit.

"Ky është një dështim global", thanë zyrtarët e OBSH-së. Drejtori i Përgjithshëm i OBSH-së, Tedros Adhanom Ghebreyesus, tha se situata në Afrikë është po aq e rrezikshme sa përhapja në gjithë globin e variantit më ngjitës, Delta.

Javën e kaluar në Afrikë është regjistruar një rritje prej 40 për qind e numrit të të infektuarve dhe vdekjeve krahasuar me një javë më herët.

"Bota jonë po dështon. Problem është furnizimi, thjesht na jepni vaksinat", tha Ghebreyesus në një konferencë për media të premten (25 qershor).

COVAX, një program global për shpërndarjen e vaksinave në vendet e varfra i udhëhequr bashkërisht nga aleanca e vaksinave GAVI dhe OBSH-ja, ka shpërndarë 90 milionë doza të vaksinave kundër COVID-19 në 132 vende.

Shpërndarja ka filluar që nga shkurti, por është përballur me probleme të furnizimit që kur India pezulloi eksportet e vaksinave./ REL

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49