Ndërsa varianti Omicron përhapet me shpejtësi në Evropë, Organizata Botërore e Shëndetësisë u kërkoi vendeve evropiane që ta bëjnë të detyreshme përdorimin e maskave në mjedise të mbyllura dhe t’i japin përparësi vaksinimit, edhe me dozë përforcuese, për kategoritë më të rrezikuara të shoqërisë, si punonjësit shëndetësorë dhe të moshuarit.
Gjatë javës së parë të janarit në Evropë janë identifikuar më shumë se 7 milionë raste të reja me variantin Omicron, çka përbën dyfishim të rasteve në vetëm dy javë.
Drejtori i OBSH-së për Evropë, Dr. Hans Kluge tha në një konferencë shtypi se 26 vendet evropiane raportojnë se çdo javë mbi 1 për qind e popullsisë së tyre po infektohet me COVID.
Zoti Kluge shtoi se situata aktuale po shuan shpresat e vendeve që të prandalojnë mbingarkesën në sistemet e tyre të shëndetësisë.
Ai parashikon infektimin e gjysmës së popullsisë në Evropën Perëndimore në gjashtë deri tetë javët e ardhshme.
“Omicron lëviz më shpejt dhe shtrihet më gjerë se çdo variant tjetër i koronavirusit. Prandaj u bëjmë thirrjeve vendeve që ta bëjnë të detyrueshme përdorimin e maskave të cilësisë së lartë në mjediset e mbyllura, të ofrojnë ato për kategoritë e rrezikuara dhe t’i japin përparësi vaksinimit të njerëzve edhe me dozën përforcuese. Punonjësit shëndetësorë dhe të tjerët që kryejnë punë thelbësore duhet të kenë qasje të hershme në dozën përforcuese, që shërbimi i tyre të mos ndalet”, thotë ai.
Më herët zyra e OBSH-së në Gjenevë u kishte kërkuar vendeve të pasura që të mos fillonin shpërndarjen e dozave përforcuese por t’i dhuronin ato tek vendet e varfra, ku nivelet e vaksinimit janë ende të ulta.
Ndërsa Omicroni vazhdon të përhapet në lindje të kontinentit evropian, zoti Kluge u shpreh i shqetësuar se vendet me përqindje të ulët të vaksinimit do të përjetojnë shtim të madh të rasteve me variantin e ri.
Në Danimarkë, theksoi ai, shtrimet në spital të të pavaksinuarve ishin gjashtë herë më të larta se të atyre që janë imunizuar./VOA
Lajme të tjera
-
Studimi global ngre alarmin e miopisë tek fëmijët, celularët dhe pajisjet e tjera po i verbojnë! Okulisti: 4 në 10 fëmijë shfaqin probleme
5 Tetor, 18:14
-
Nis projekti për eliminimin e pajisjeve matëse me mërkur nga sistemi shëndetësor shqiptar
19 Shtator, 20:16 -
STUDIMI/ Ja çfarë i ndodh trupit tuaj, nëse konsumoni arrë kokosi çdo ditë! Një nga frutat më të rekomandueshëm edhe nga OBSH
1 Shtator, 18:17 -
Lufta në Rripin e Gazës/ OBSH: Fushata për vaksinimin e 640 mijë fëmijëve fillon nesër! Në 24 orë 89 palestinezë u vranë nga Izraeli
31 Gusht, 15:33 -
OBSH: Izraeli pranon armëpushim ditor në Gazë për vaksinimin e popullatës
30 Gusht, 15:16 -
Lufta në Gaza/ Borrell: S’ka unanimitet për sanksionet ndaj ministrave izraelitë! OBSH: Marrëveshje për pauza për vaksinimet kundër poliomielitit
29 Gusht, 22:14 -
OBSH shpall sërish linë e majmunëve si emergjencë globale për shëndetin publik
14 Gusht, 21:13 -
OBSH për Evropën: Vaksinimi shpëtoi 2 milionë persona nga vdekja prej COVID
10 Gusht, 16:43 -
OBSH shpreh shqetësim për shkallën e ulët të vaksinimeve kundër koronavirusit
6 Gusht, 21:51 -
'Shqipëria me numrin më të ulët të mjekëve në rajon', Orjola Pampuri: OBSH thekson se numri i mjekëve u tkurr me 15%
10 Maj, 14:06 -
OBSH: Shqipëria me numrin më të ulët të mjekëve për banorë në Europë më 2020
2 Maj, 07:48 -
OBSH: Hepatiti vret 3.500 njerëz në ditë
9 Prill, 15:41
