Koronavirusi, OBSH miraton për përdorim urgjent vaksinën kineze Sinopharm: E sigurt dhe efikase

Vaksina kineze Sinopharm

Organizata Botërore e Shëndetësisë (OBSH) ka miratuar sot për përdorim urgjent vaksinën kineze kundër COVID, Sinopharm. Kjo u bë e ditur sot nga Drejtori i Përgjithshëm i Organizatës Botërore të Shëndetësisë Tedros Adhanom Ghebreyesus.

"Këtë pasdite, OBSH miratoi për përdorim emergjent vaksinën e COVID-19 të Pekinit, duke e bërë atë vaksinën e gjashtë që ka marrë vlerësimin e OBSH për sigurinë, efikasitetin dhe cilësinë. Kjo zgjeron listën e vaksinave që COVAX mund të blejë dhe u jep vendeve besim për të shpejtuar miratimin e tyre dhe për të importuar dhe administruar një vaksinë", tha ai.

 

Vendimi, i marrë nga një ekip këshillimor teknik i OBSH-së, do të thotë që vaksina Sinopharm përfundimisht mund të përfshihet në iniciativën e mbështetur nga OKB, COVAX që synon të garantojë qasjen në vaksina për vendet e varfëra në javët ose muajt e ardhshëm. Vaksina e Sinopharm është vaksina e parë kineze që fiton miratimin e përdorimit emergjent dhe e gjashta në total.

J.SH./Shqiptarja.com
  • Sondazhi i ditës:

    A është rimëkëmbur ekonomia juaj familjare pas vështirësive të hasura gjatë pandemisë?

Komento


×

Lajmi i fundit

John

Pas 8 muajsh Thaçi dhe personalitet e tjerë të Luftës së UÇK-së në Hagë do të takohen me familjarët